მურაბიან ფუნთუშებს საფუარით და მარგარინით ბებიის რეცეპტით ვაცხობ

0
50

ბებიასთან ტკბილი მოგონებები მაკავშირებს. ბავშვობაში გემრიელ და არომატულ ფუნთუშებს მურაბით მიცხობდა. ამბობდა, რომ ბედნიერი ცხოვრებისთვის საკმარისია ოჯახში პური გამოცხვეს. მის რჩევებს დღემდე ვითვალისწინებ. ცომეულს ხშირად ვაცხობ და, ალბათ, ამიტომაც ბედნიერად ვცხოვრობთ. დღეს ბებიის რეცეპტით ფუნთუშა–ლოკოკინებს მურაბის შიგთავსით მოვამზადებთ.

მურაბიანი ფუნთუშები

ინგრედიენტები:

  • 200 მლ რძე
  • 100 გ საფუარი (ახალი)
  • 7 ს/კ შაქარი
  • 5 ს/კ ფქვილი
  • 100 გ მარგარინი
  • 2 კვერცხი
  • ვანილი
  • 300 გ მურაბა

მომზადების წესი:

  1. რძე, საფუარი და 4 ს/კ შაქარი თასში აურიეთ და საფუარის გასააქტიურებლად სითბოში გააჩერეთ.
  2. ფქვილი დაუმატეთ, აურიეთ და 30 წუთით გააჩერეთ.
  3. მარგარინი, 1 კვერცხი, 3 ს/კ შაქარი და ვანილი დაუმატეთ. საჭიროების შემთხვევაში ფქვილი დაუმატეთ. რბილი და ჰაეროვანი ცომი უნდა გამოვიდეს. მოზელისას ცოტა ფქვილი დაუმატეთ, რომ ხელზე არ მიგეკვრათ. ცომს პარკი და პირსახოცი დააფარეთ, თბილ ადგილას გაიტანეთ და 1 საათით გააჩერეთ.
  4. შემდეგ ჩაზილეთ, საგორავით გააბრტყელეთ, მურაბა წაუსვით და დაახვიეთ. რულეტი დაჭერით ისე, რომ ლოკოკინები მიიღოთ.
  5. მარგარინწასმულ საცხობ ფორმაზე ფუნთუშები დააწყვეთ, პირსახოცი გადააფარეთ და 20 წუთით გააჩერეთ. ამ დროში აფუვდება. კვერცხი წაუსვით. წინასწარ 180 გრადუსამდე გახურებულ ღუმელში 30-40 წუთით აცხვეთ.
  6. ჩაიზე მისაყოლებლად იდეალური ფუნთუშები მზადაა! გემრიელად მიირთვით.