ჰიპერტონიკების მენიუში წნევის შემამცირებელი პროდუქტები აუცილებლად უნდა შედიოდეს. ეს დაავადება საკმაოდ ხშირად ინფარქტს და ინსულტს იწვევს, ამიტომ კვებას დიდი ყურადღება უნდა მიაქციოთ. კარდიოლოგები ჰიპერტონიკებს დაჟინებით ურჩევენ, რომ შესაძლო გართულებების რისკის შესამცირებლად კერძები იმ ინგრედიენტებისგან მოამზადონ, რომლებიც სისხლძარღვების კედლებს აძლიერებენ და გულის მუშაობას აუმჯობესებენ. გარდა ამისა, მაღალი წნევის დროს უნდა მიირთვათ პროდუქტები, რომლებიც არტერიულ წნევას ამცირებენ. Vivien გიამბობთ, რა უნდა მიირთვათ, რომ გულს სარგებელი მოუტანოთ.
პროდუქტები წნევის შესამცირებლად – რიგი ჩატარებული კვლევა აჩვენებს, რომ მხოლოდ 3 გრამი ომეგა 3 ცხიმოვანი მჟავა ჰიპერტონიკების მდგომარეობას აუმჯობესებს. ამ ცხიმის მიღება არტერიული წნევის შემცირებას ხელს უწყობს. თუ ეს პრობლემა გაწუხებთ, მენიუს ოდნავ შეცვლა სცადეთ, მასში ახალი პუნქტები დაამატეთ. ორაგული, სკუმბრია და ქაშაყი – პროდუქტები, რომლებშიც მეტი ომეგა 3 შედის. ეს მჟავა გვხდება შემდეგ პროდუქტებშიც: მოიცა, თინუსი, სარდინი, კალმახი, კალმარი, მიდია და სხვა ზღვის პროდუქტი. ომეგა 3–ით მდიდარია კაკალი. თუ კაკალზე ალერგია არ გაქვთ, ინგრედიენტი კერძებს თამამად დაუმატეთ.
მობრაწულა კარტოფილით და ქაშაყით – ცნობილი უკრაინელი შეფმზარეული, ევგენი კლოპოტენკო გასწავლით, როგორ გაამდიდროთ ორგანიზმი ცხიმოვანი მჟავებით და გემრიელად მიირთვათ. ასე ორ კურდღელს ერთი გასროლით დაიჭერთ! აღსანიშნავია, რომ 150 გ ქაშაყი ომეგა 3–ის დღიურ ნორმას შეიცავს. გემრიელი თევზის რეცეპტი ჩაიწერეთ და გულის სასარგებლოდ მიირთვით!
ინგრედიენტები:
- 800 გ ნაკლებად მარილიანი ქაშაყის ფილე
- 400 გ კარტოფილი
- 250 გ ხახვი
- 500 მლ რძე
- 30 გ კარაქი
- 30 გ ნიგოზი
- 1 კბილი ნიორი
- 2 ტოტი ბეგქონდარა
- 3 მარცვალი შავი წიწაკა
- 1 მწიკვი მუსკატის კაკალი
- 2 მწიკვი მარილი
მომზადების წესი:
- სოუსი „ბეშამელი“ მოამზადეთ. სქელძირიან ღრმა ტაფაში რძე ჩაასხით და 50 გ ხახვი, სანელებლები და პრესში გატარებული ნიორი დაუმატეთ. ადუღებამდე მიიყვანეთ და სუსტ ცეცხლზე 2 წუთით თუშეთ, პერიოდულად ურიეთ. ქურიდან გადმოდგით, ხახვი, წიწაკის მარცვლები და ბეგქონდარას ტოტები ამოიღეთ.
- ცალკე ქვაბში კარაქი საშუალო ცეცხლზე გაადნეთ. მასში ხორბლის ფქვილი მსუბუქ ოქროსფერ შეფერილობამდე შეწვით. ცეცხლს აუწიეთ, რძე ჩაასხით და კიდევ 2-3 წუთით გასქელებამდე ხარშეთ.
- კარტოფილი გათალეთ, რგოლებად დაჭერით. საცხობ ფორმაზე კარტოფილის რგოლები დააწყვეთ. დარჩენილი ხახვი რგოლებად დაჭერით და კარტოფილს ზემოდან მოაყარეთ. სოუსის ნაწილი მოასხით.
- ქაშაყის ფილე რულეტივით დაახვიეთ და კარტოფილს დაადეთ. სოუსი დაასხით ისე, რომ თევზი მთლიანად დაიფაროს. 180 გრადუსამდე გახურებულ ღუმელში 30-35 წუთით აცხვეთ.
ასე გემრიელად და ეფექტურად არტერიული წნევა შეგიძლიათ შეამციროთ. რაციონი ცხიმოვანი მჟავების შემცველი რამდენიმე პროდუქტით გაამრავალფეროვნეთ და მალე განწყობის გაუმჯობესებას იგრძნობთ. თუ თევზის მოყვარული არ ხართ, ომეგა 3 საკვები დანამატის სახით მიიღეთ.
