როგორც კი ოჯახის რომელიმე წევრი ავად ხდება, აფთიაქში მედიკამენტის ყიდვის ნაცვლად ბალახებით მკურნალობას უპირატესობას ვანიჭებთ. გაზაფხულსა და ზაფხულზე სამკურნალო მცენარეებს ვინახავთ, ხოლო ზამთარში არომატულ და სასარგებლო ჩაებს, ასევე ნაყენებს ვსვამთ. ჟოლოს ფოთლები სურდოს და მაღალი ტემპერატურის ძალიან მეხმარება. მისი ნაყენი კარგად ამოხველებას ხელს უწყობს და ანთებას აქრობს, რაც კორონავირუსის დროს ძალიან მნიშვნელოვანია. Vivien გიამბობთ, როგორ მოამზადოთ სამკურნალო სასმელი.

ჟოლოს ფოთლები: ნაყენის თვისებები და საიდუმლოებები

ჟოლოს ფოთლებში გვხვდება:

• ასკორბინის მჟავა
• ფლავონოიდები
• ორგანული მჟავები
• მინერალური მარილები
• შემკვრელი ნივთიერებები და ტანინები
• სალიცილატები, მოქმედებს როგორც ასპირინი

გასაგებია, რატომ არის ასეთი სასარგებლო ჟოლოს ფოთლები. თუ თქვენს აგარაკზე ჟოლოს ბუჩქი იზრდება, იცოდეთ, რომ ბევრი დაავადების სამკურნალო საშუალება გაქვთ.ჟოლოში შემავალი ფლავონოიდები სისხლდენას აფერხებს. ფოთლები სასარგებლოა ბუასილის, კუჭის და საშვილოსნოს სისხლდენის, კოლიტის და ენტეროკოლიტის დროს. ამ ნივთიერებას ორგანიზმიდან ტოქსინები და წიდები კარგად გამოაქვს. შემკვრელი კომპონენტები კვების აშლილობის დროს სასარგებლოა. ჟოლოს ფოთლები იდეალური ვარიანტია ორგანიზმის დამცავი თვისებების გასაძლიერებლად. უბრალოდ გაახმეთ და ჩაის ნაცვლად მოადუღეთ. თუ სტომატიტი გაქვთ, ნახარში სავლებად გამოიყენეთ. კოსმეტიკური და დერმატოლოგიური პრობლემების გაქრობაში დაგეხმარებათ ნახარში, მალამო და ნიღაბი, რომლებიც დაქუცმაცებული ფოთლების ფაფისგან მზადდება.

როგორ მოვამზადოთ – ფოთლების შესაგროვებლად გაზაფხულის ბოლო, ზაფხულის დასაწყისი (მაისი, ივნისი) საუკეთესო დროა. ამ პერიოდში ფოთლებში ბევრი სამკურნალო თვისება გროვდება. თუ თქვენს მხარეში ტყის ჟოლო იზრდება, ფოთლები ამ ბუჩქებიდან დაკრიფეთ. თუ სახლის ჟოლოს იყენებთ, გირჩევთ, რომ ქიმიკატებით არ დაამუშავოთ, რომ ფოთლები ეკოლოგიურად სუფთა იყოს. რაც შეეხება დღის მონაკვეთს, დილა საუკეთესო დროა, რომ ფოთლები შეაგროვოთ. დაელოდეთ, რომ ნამი მთლიანად აორთქლდეს. ფოთლების ნაწილი ტოტებზე დატოვეთ, რადგან ნაყოფი სასარგებლო ნივთიერებებს მათგან იღებს. შეგროვებული ფოთლები გაახმეთ. ჩირის აპარატი შეგიძლიათ გამოიყენოთ ან ქაღალდზე თხელ ფენად გაშალეთ და ტილოს ქვეშ, მზის სხივებისგან მოშორებით დადეთ. ხმობის პერიოდში რამდენჯერმე აურიეთ, რომ თანაბრად გახმეს. გამხმარი ფოთლები დაფქვით, ნაჭრის ტომარაში ან ყუთში შეინახეთ.

ჟოლოს ფოთლების ნაყენი – ნაყენის მოსამზადებლად 40 გრადუსიანი არაყი დაგჭირდებათ. 5 ს/კ ხმელ ფოთლებს 100 მლ არაყი დაასხით. 2-3 კვირა გააჩერეთ, პერიოდულად შეანჯღრიეთ. ვადის გასვლის შემდეგ ნაყენი გაფილტრეთ. ასეთი სამკურნალო სასმელი ჩაის კოვზობით უნდა მიიღოთ. ის იმუნურ სისტემას აძლიერებს, ასევე საერთო გამაჯანსაღებელი ეფექტი აქვს. თუ კოღომ ან სხვა მწერმა გიკბინათ, ნაკბენზე ნაყენი წაისვით. ასე შეშუპებას და ქავილს შეამცირებთ.

მოამზადეთ სამკურნალო სასმელი მცენარისგან, რომელიც თითქმის ყველასთვის ხელმისაწვდომია და იგრძნობთ, რა სარგებელს მოგიტანთ ჟოლოს ნაყენი თქვენ და თქვენს ოჯახს.