გასულ წელს დედამთილი პენსიაზე გავიდა. ამ გაზაფხულს აგარაკზე გადასვლა გადაწყვიტა. იქ ბოსტანს უვლის და ბევრ რამეს ზრდის. აი, ერთ შაბათ–კვირას 2 ყუთი ბადრიჯანი ჩამოგვიტანა. მაშინვე ზამთრისთვის სალათის მომარაგება დავიწყე, მაგრამ მაინც ბევრი ბოსტნეული დარჩა. დიდხანს ვიფიქრე, რა გამეკეთებინა ვახშმად ბადრიჯნით და საოცარი რეცეპტი გამახსენდა. Vivien ბადრიჯნის კატლეტების მშვენიერ რეცეპტს გიზიარებთ.

რა მოვამზადოთ ბადრიჯნით სავახშმოდ

ინგრედიენტები:

• 700 გ ფარში
• 1 ბადრიჯანი
• 1 ხახვი
• 3 კბილი ნიორი
• 1 კვერცხი
• 1 ნაჭერი თეთრი პური
• 40 გ ნიგოზი
• 5 ს/კ საფანელი
• 3 ს/კ წყალი
• 4 ს/კ მცენარეული ზეთი
• ახალი მწვანილი
• მარილი და წიწაკა გემოვნებით

მომზადების წესი:

1. ბადრიჯანი გათალეთ და მსხვილ კუბებად დაჭერით. ხახვიც დაჭერით. ბადრიჯანი, ხახვი და ნიგოზი დააბლენდერეთ.
2. ღრმა თასში ფარში და წინასწარ წყალში ჩალბობილი თეთრი პური აურიეთ. აქვე ბადრიჯანი და კვერცხი დაუმატეთ.
3. ნიორი დაჭყლიტეთ ან წვრილად დაჭერით. მწვანილი დააქუცმაცეთ. ნებისმიერი მწვანილი გამოგადგებათ. მაგალითად, კამა, ოხრახუში და ქინძი. გემოვნებით აირჩიეთ. ფარშს დაუმატეთ.
4. ფარში ჩაზილეთ, კარგად აურიეთ. პატარა კატლეტები გააკეთეთ, საფანელში ამოავლეთ და ზეთში ოქროსფერ შეფერილობამდე შეწვით.
5. შემწვარი კატლეტები პერგამენტ დაფარებულ საცხობ ფორმაზე გადაიტანეთ. 3 ს/კ წყალი დაასხით. ფოლგა დააფარეთ და 180 გრადუსამდე გახურებულ ღუმელში ზუსტად 20 წუთით აცხვეთ.

მითითებული ინგრედიენტებით 12 კატლეტი გამოვა. ოჯახის სავახშმოდ საკმარისია. მსუბუქ სალათთან ერთად შეუდარებელი ვახშამი გამოვა, გარნირი არც სჭირდება. ახლა იცით, როგორ მოამზადოთ ვახშამი ბადრიჯნით. ვიმედოვნებთ, რომ რეცეპტი მოგეწონათ. კატლეტები ძალიან წვნიანი გამოდის და საინტერესო გემო აქვს. ბევრი მას „სამხრეთულს“ უწოდებს. დარწმუნებული ვართ, რომ ბადრიჯნის კატლეტის რეცეპტი თქვენს კულინარიულ წიგნში მოხვდება.