დილა ფინჯანი არომატული ახალმოხარშული ამერიკანოს გარეშე ვერ წარმომიდგენია. თუ სამსახურში წასვლამდე დალევას ვერ ვასწრებ, გზაზე საყვარელ ყავახანაში აუცილებლად შევდივარ. ბარისტასთან უკვე ვმეგობრობ. ზოგჯერ ყავის შესახებ საინტერესო ფაქტებს მიყვება, მაგრამ ხშირად სასარგებლო და პრაქტიკულ ინფორმაციას მიზიარებს. მისი რჩევით, ახლა ყავას მაცივარში ვინახავ.მიმდინარე ათწლეულს „ყავის დრო“ შეგვიძლია ვუწოდოთ. ყურადღებას აქცევთ, რამდენი ყავახანა მუშაობს თუნდაც ქალაქის შორეულ კუთხეში? გაოცდებით, მაგრამ ყავა წარმოუდგენლად პოპულარული სასმელია. ვაჭრობის მოცულობით მხოლოდ ნავთობი უსწრებს (კიდევ ერთი საინტერესო ფაქტი ბარისტასგან)!აუცილებელი არაა ყავის დიდი მოყვარული იყოთ, რომ საყვარელი სახეობა შეარჩიოთ – არაბიკა ან რობუსტა. ყავის სასმელების ძირითადი ვარიანტებიც დიდი ხანია ცნობილია. თუ ყავას სახლში ხარშავთ, Vivien რამდენიმე სასარგებლო ხრიკს გიზიარებთ. ყავის შენახვით დავიწყოთ.
რატომ არის სწორი ყავის შენახვა მაცივარში?
- გემო და არომატი – თუ გემრიელი, არომატული და გამამხნევებელი სასმელის მიღება გსურთ, როგორსაც ყავახანაში ამზადებენ, ყავის მარცვლები მაცივარში შეინახეთ. ბატას უნივერსიტეტის ბრიტანელი მეცნიერები ამ გადაწყვეტილების სისწორემდე მივიდნენ. ჯერ ჰიპოთეზა წამოაყენეს, შემდეგ პრაქტიკაში შეამოწმეს. საქმე იმაშია, რომ ცივი ყავის მარცვლები უფრო მკვრივ ფხვნილს ქმნის. ეს სასმელის არომატზე პირდაპირ გავლენას ახდენს. გარდა ამისა, ყავა უფრო ძლიერი გამოვა და სწრაფად მოიხარშება.
- შენახვის ვადის გაზრდა – ყავის მარცვლების მაცივარში ან საყინულეში შენახვის კიდევ ერთი უპირატესობა. ასეთი ვარიანტი შესაფერისია სასოწარკვეთილი ყავის მოყვარულებისთვის, რომლებიც ყავის დიდ მარაგს ყიდულობენ, და მათთვის, ვინც ყავას მხოლოდ სტუმრებისთვის ყიდულობს.
შეგახსენებთ, რომ ახალდაფქული ყავის გამოყენება უმჯობესია. უდავოდ, სასმელის გემო დაიკარგება, თუ წინასწარ დაფქვავთ. არომატული და გამამხნევებელი სასმელით ტკბობას შეძლებთ, თუ პატარა ყავის საფქვავს შეიძენთ. რომელ ყავას ანიჭებთ უპირატესობას?
