უბრალო თეთრი იოგურტი კენკრით მაღაზიაში ნაყიდ ნაყინს ჩაგინაცვლებთ, თუ ამ საზაფხულო ტკბილეულს Vivien–ის რეცეპტით მოამზადებთ. ნებისმიერი კენკრა და ხილი შეგიძლიათ გამოიყენოთ, დამატკბობელი თაფლით და ცოტა ვანილით ჩაანაცვლეთ. გიამბობთ, როგორ მოამზადოთ ცივი ნატურალური დესერტი, რომელიც ზუსტად 2 წუთში მზად იქნება. ზედმეტ კალორიებს თავიდან აიცილებთ.

იოგურტი კენკრით

ინგრედიენტები:

• 300 გ იოგურტი
• 3 ს/კ თაფლი
• 10 გ ვანილი
• კენკრა გემოვნებით
• კაკალი გემოვნებით

მომზადების წესი:

1. სქელი იოგურტი გამოიყენეთ. 10%–იანი საუკეთესოა, მაგრამ 1,6% ცხიმიანი იოგურტიც გამოგადგებათ. მთავარია, რომ დანამატებს არ შეიცავდეს. თხელი, აკაციის თაფლი გამოიყენეთ, რადგან უფრო გემრიელია. ვანილი არომატიზატორად გამოგადგებათ.
2. იოგურტი თასში გადაიტანეთ, თაფლი და ვანილი დაუმატეთ და ერთგვაროვანი მასის მიღებამდე კარგად აურიეთ.
3. ნებისმიერი ფორმა შეგიძლიათ გამოიყენოთ. მთავარია, რომ ძირში საკვების შესაფუთი პარკი დააფინოთ. იოგურტის ნარევი ფორმაში ჩაასხით. ნარევი ფრთხილად გაასწორეთ.
4. კენკრა და ხილი გემოებით ერთმანეთს შეუთავსეთ. მსხვილი კენკრა ფირფიტებად დაჭერით. მარწყვის ან ხურტკმელის ნაჭრები ძალიან ლამაზად გამოიყურება. აი, ჟოლოს დაჭრას არ გირჩევთ. კენკრა იოგურტს დაუმატეთ.
5. ნებისმიერი კაკალი გემოსთვის დაუმატეთ. წინასწარ კაკალი დააქუცმაცეთ. ფორმას ზემოდან საკვების შესაფუთი პარკი დააფარეთ, რომ დესერტმა საყინულის უცხო სუნები არ შეიწოვოს. დესერტი საყინულეში 2 საათით ბოლომდე გამაგრებამდე შეინახეთ. პრინციპში, ტკბილეული უფრო სწრაფადაც იყინება.
6. ესეც ასე. იოგურტის დესერტი თაფლით მზადაა. გემრიელად მიირთვით!

იოგურტი კენკრით, კაკლით და თაფლით ღვთაებრივად გემრიელია, თითქოს იოგურტის ნაყინია! დესერტი ულუფებად დაჭერით და სიამოვნებით მიირთვით! ასეთი ტკბილეული საყინულეში შეინახეთ. სხვათა შორის, თუ კენკრა არ გაქვთ, ნებისმიერი მურაბა შეგიძლიათ დაუმატოთ. ასეც საინტერესო გემოს კომბინაცია გამოვა. დესერტი ნათელი, წვნიანი და თვალწარმტაცია, როგორც ნახატი!