ზაფხულისთვის მომზადება წლის ნებისმიერ დროს შეგიძლიათ დაიწყოთ, თუნდაც გარეთ ივლისი მძვინვარებდეს. ამ საკითხში ერთი მარტივი რამის გაგება უფრო მნიშვნელოვანია. რაციონი დაბალანსებული უნდა იყოს. მხოლოდ მსუბუქი ბოსტნეულის სალათით სიტუაციას ვერ გამოასწორებთ. წონის დაკლებასთან დაკავშირებით უთვალავი რეკომენდაციები არსებობს. Vivien რამდენიმე რჩევას, ასევე კარგი სალათის რეცეპტს გიზიარებთ.
მსუბუქი ბოსტნეულის სალათი
თუ რამდენიმე კილოგრამის დაკლება გსურთ, რამდენიმე წესი უნდა დაიმახსოვროთ. პირველ რიგში, ტოტალური აკრძალვების და შეზღუდვების დახმარების იმედი არ გქონდეთ. პირიქით, დიდი ალბათობით, ეს დიეტის დარღვევამდე მიგიყვანთ. უარესს შემთხვევაში საჭმლის მომნელებელი სისტემის დარღვევას გამოიწვევთ. მეორეც, გახსოვდეთ, რომ ძველებური ფორმის დაბრუნება მხოლოდ კომპლექსური მიდგომით შეიძლება. მნიშვნელოვანია, არა მხოლოდ სწორი კვება, არამედ ვარჯიში, დღის რეჟიმის და წყლის ბალანსის დაცვა, ასევე ხარისხიანი ძილი.როგორც ხედავთ, მარტივი რეკომენდაციებია. ბევრი ადამიანი ფიქრობს, რომ მხოლოდ კვებით ჭარბი წონის პრობლემებს მოაგვარებს. რა თქმა უნდა, ეს შესაძლებელია, თუ კალორიების დეფიციტს მკაცრად დაიცავთ. გახსოვდეთ, რომ ეს ჯანმრთელობასა და თქვენი სხეულის მდგომარეობაზე, განსაკუთრებით კანზე აისახება. მაგალითად, ასე სხეულზე შეიძლება ბევრი სტრია გაგიჩნდეთ, რომელსაც უკვე ვერაფერს უშველით. სტრიები მხოლოდ კოსმეტოლოგის დახმარებით შეგიძლიათ შეამციროთ ან მოიშოროთ.
სწორი რაციონი – თუ ზედმეტი წონის მოშორება გსურთ, მაგრამ არ იცით, რით დაიწყოთ, გაანალიზეთ, რას მიირთმევთ. ზოგიერთ პროდუქტზე ერთხელ და სამუდამოდ უარი უნდა თქვათ. ზოგიერთი საკვები დროდადრო შეგიძლიათ მიირთვათ. არის პროდუქტები, რომლებიც ყოველდღიურ რაციონში აუცილებლად უნდა შედიოდეს. მაგალითად, თუ გახდომა გსურთ, რაციონიდან გამორიცხეთ შემწვარი, შებოლილი და ფქვილის (თეთრი ფქვილით დამზადებული ცომეული) ნაწარმი. ალკოჰოლურ და გაზიან სასმელებზეც უარი თქვით. იცით რამდენად კალორიულია ქაფიანი სასმელი, რომელიც ყველას ასე ძალიან უყვარს? ნამდვილი კოშმარი! კერძებს მაიონეზი, კეტჩუპი და სხვა სოუსი, რომლებიც მაღაზიებში იყიდება, არ დაუმატოთ. ყველა სახის სწრაფი კვების პროდუქტი და წასახემსებელი ხანგრძლივ შვებულებაში გაუშვით: მათთან საერთო გზა არ გაქვთ. მაღაზიის ტკბილეულები (მათი უსასრულოდ ჩამოთვლა შეიძლება) სასურველ შედეგთან ვერ მიგიყვანთ.რაციონის საფუძველი, თუ ვეგეტარიანელი ან ვეგანი არ ხართ, უნდა იყოს ისეთი პროდუქტები, როგორიცაა ქათმის, ინდაურის, ძროხის ხორცი, თევზი და ზღვის პროდუქტები. ამ სიაში შედის მთელი მარცვლეული, ლობიო, სოკო, ბოსტნეული, ხილი, კენკრა და მწვანილი. ასევე ხაჭო, კეფირი, კვერცხი და თაფლი. დაიმახსოვრეთ ოქროს წესი: კვება დაბალანსებული უნდა იყოს. ცილები, ცხიმები და ნახშირწყლები თითოეულ თეფშზე! საუბარია ნელ და არა სწრაფ ნახშირწყლებზე. ისინი ენერგიისთვის გვჭირდება.
ბოსტნეულის სალათის მარტივი რეცეპტი – მსუბუქი ბოსტნეულის სალათი თქვენი რაციონის საფუძველი არ უნდა იყოს, თუ ზედმეტი კილოგრამების მოშორება გსურთ. ეს მხოლოდ ძირითადი კვების სასარგებლო დანამატია. ამავდროულად, ნებისმიერი სალათი შეგიძლიათ გარდაქმნათ, ცილების და ცხიმების წყარო დაუმატოთ. მაგალითად, მოხარშული ქათმის ხორცი ან თევზი, ასევე ავოკადო, კაკალი ან თესლი. მზად ხართ რაღაც უჩვეულო მოამზადოთ?
ინგრედიენტები:
- 250 გ ორაგულის ფილე
- 1 გრეიფრუტი
- 0,5 ავოკადო
- 4 სალათის ფურცელი
- 2 ს/კ ზეითუნის ზეთი
- 2 ს/კ ლიმონის წვენი
- მარილი, დაფქული შავი წიწაკა, კოჭა გემოვნებით
მომზადების წესი:
- 2 პორცია სალათს ვამზადებთ. უპირველესად, ორაგულის ფილე მოამზადეთ. მარილი მოაყარეთ და დაფქული კოჭა წაუსვით. თევზი ზეითუნის ზეთში ან ანტიმიწვის საფარის მქონე ტაფაზე უზეთოდ შეწვით. თითოეულ მხარეს სუსტ ცეცხლზე 5 წუთით შეწვით.
- ავოკადო კუბებად დაჭერით და ლიმონის წვენი მოასხით, რომ არ გაშავდეს. სალათი ხელით დაძენძეთ. გრეიფრუტი გათალეთ და დაჭერით.
- მზა თევზი პატარა ნაჭრებად დაანაწევრეთ. ავოკადო, გრეიფრუტი და სალათი აურიეთ. ზეითუნის ზეთი მოასხით და წიწაკა გემოვნებით მოაყარეთ. მზადაა!
ასეთი სალათი მთავარ კერძად იდეალურია. ნოყიერი, წარმოუდგენლად გემრიელი და სასარგებლო გამოდის. მზად ხართ ასეთი ექსპერიმენტებისთვის?
