Vivien გიზიარებთ პურზე წასასმელი სალის სამ საინტერესო რეცეპტს შეფმზარეულისგან. შესანიშნავი წასახემსებელია, რომელიც ბორშს, კომბოსტოს წვნიანს და ძლიერ ალკოჰოლურ სასმელსაც იდეალურად უხდება. ბუტერბროდის სალა შეგიძლიათ მოიმარაგოთ, მინის ქილაში ჩადოთ და მაცივარში შეინახოთ. ასე წასახემსებელი ყოველთვის გექნებათ. შეფმზარეულის, ილია ლაზერსონის რეცეპტები მარტივი და ხელმისაწვდომია, მისი რჩევები საინტერესო და პრაქტიკული. გიზიარებთ უნივერსალურ და გემრიელ წასახემსებლებს.
ბუტერბროდის სალა მარტივი ინგრედიენტებით – ჩვეულებრივი 3-4 სმ სიმაღლის სალა შეგიძლიათ გამოიყენოთ. ასეთი სალა უფრო უხეშია და დნობის მაღალი წერტილი აქვს, ამიტომ ხორცსაკეპ მანქანაში გასატარებლად და პაშტეტის მოსამზადებლად უფრო გამოგადგებათ.
პაშტეტი სალით და კამით – დაგჭირდებათ რამდენიმე მარილიანი ნაჭერი, მაგრამ უმარილო სალაც გამოგადგებათ.
ინგრედიენტები:
- 300 გ სალა
- 1 კონა კამა
- 3 კბილი ნიორი
- მარილი გემოვნებით
მომზადების წესი:
- სალას ტყავი მოაშორეთ (მოგვიანებით წვნიანს შეგიძლიათ დაუმატოთ). სალა კუბებად დაჭერით და ხორცსაკეპ მანქანაში გაატარეთ.
- ნიორი სახეხზე გახეხეთ. ხორცსაკეპ მანქანაში მის გატარებას არ გირჩევთ, რადგან კედლებს მიეკვრება.
- კამა გარეცხეთ და წვრილად დაჭერით.
- ყველა ინგრედიენტი სალას დაუმატეთ და კარგად აურიეთ. წასახემსებელი მზადაა!
პაშტეტი სალით, ნიგვზით და ბეგქონდარით – გემრიელი სალა რომ მოამზადოთ, ბეგქონდარა დაუმატეთ. ამ სანელებელს კარგი სუნი აქვს და კერძს სასიამოვნო სიცხარეს მატებს.
ინგრედიენტები:
- 300 გ სალა
- 0,5 ჭიქა ნიგვზის ბირთვები
- 2-3 კბილი ნიორი
- ბეგქონდარა და მარილი გემოვნებით
მომზადების წესი:
- სალა ნიგოზთან ერთად ხორცსაკეპ მანქანაში გაატარეთ. სალას ცოტა ტყავი მოაჭერით და ბოლოს გაატარეთ, რომ ყველა დარჩენილი ინგრედიენტი ხორცსაკეპიდან გამოვიდეს.
- დაქუცმაცებული ნიორი, ბეგქონდარა და მარილი დაუმატეთ და აურიეთ. კაკლის ხარჯზე მოცულობითი გამოვა, ოდნავ უფრო ბლანტია, ვიდრე წინა ვარიანტში.
პაშტეტი სალით და გამომცხვარი წიწაკით – სალა წიწაკით სასიამოვნო მოტკბო გემოთი და ლამაზი მოყვითალო–წითელი ფერით გამოირჩევა.
ინგრედიენტები:
- 300 გ სალა
- 1 ტკბილი წითელი წიწაკა
- 2-3 კბილი ნიორი
- მწიკვი დაფქული პაპრიკა
- მარილი გემოვნებით
მომზადების წესი:
- ჯერ წიწაკას მიხედეთ. თესლისგან გაწმინდეთ და ოთხ ნაწილად დაყავით. ძლიერ შეწითლებამდე ღუმელში გამოაცხვეთ. წიწაკის ქერქი გარედან ოდნავ შეიძლება გაშავდეს. ეს დასაშვებია. ამრიგად, წიწაკა გრილზე შემწვარივით გამოვა. ახლა ქერქი მოაშორეთ და დაჭერით.
- სალა და წიწაკა აურიეთ.
- ნიორი გახეხეთ და მზა ნარევს დაუმატეთ.
- თანაბარი და გაჯერებული ფერის და მოტკბო გემოს მისაღებად ტკბილი პაპრიკა დაუმატეთ. წასახემსებელს შებოლილი გემო რომ მიანიჭოთ, შებოლილი დაფქული პაპრიკა გამოიყენეთ.
- ბოლოს მარილი დაუმატეთ და კარგად აურიეთ. პაშტეტი მზადაა!
მარტივი და ძალიან გემრიელი პურზე წასასმელები მოამზადეთ და გასინჯეთ. ექსპერიმენტები შეგიძლიათ ჩაატაროთ. ახალი ინგრედიენტები დაუმატეთ და საკუთარი უნიკალური წასახემსებელი შექმენით.
