ყველა, ვისაც მოჩის ნამცხვარი დაგემოვნებული აქვს, მისი ნაზი ტექსტურით და სასიამოვნო გემოთი აღფრთოვანებულია. დესერტი იაპონურია, მაგრამ ფანტასტიკური გემოს წყალობით მთელ მსოფლიოში პოპულარულია. არ იჩქაროთ რესტორნის მოძებნა, სადაც მოჩის ამზადებენ. ასეთ დესერტს გამოუცდელი დიასახლისიც სახლში მარტივად მოამზადებს.
დესერტი მოჩი – ისტორიულ სამშობლოში მოჩს დიდხანს და ზედმიწევნით ასრულებენ. თავად სახელი იაპონური ბრინჯის ცომიდან მომდინარეობს. თუ ბრინჯს დიდხანს ჩაალბობთ და დიდ სანაყში დანაყავთ, მოჩი ტკბილი გახდება. სიტყვაზე, მოჩის მომზადების პროცესს მოჩიცუკი ჰქვია. მოჩს დიდი სიამოვნებით ამზადებენ არა მხოლოდ იაპონიაში, არამედ ტაილანდში, ჩინეთში, კამბოჯაში, სამხრეთ კორეასა და ჰავაიზეც. განსაკუთრებით მნიშვნელოვანია, რომ ახალ წელს მოამზადოთ და მეზობლებს, მეგობრებს და ნათესავებს გაუმასპინძლდეთ. სიტყვაზე, არსებობს მოჩი–ნაყინის სახეობაც. მას დაიფუკუ ჰქვია. Vivien აუცილებლად გიამბობთ, როგორ მოამზადოთ ეს საოცარი საზაფხულო დესერტი.
უჩვეულო ნაყინი – მოჩის ვარიანტი, რომელსაც დღეს მოვამზადებთ, განსხვავდება კლასიკური რეცეპტისგან, რომელსაც მრავალსაათიანი ჩალბობა სჭირდება. ეს იმას არ ნიშნავს, რომ ნამცხვარი გემრიელი არაა. უბრალოდ სახლში მომზადების პროცესი გავამარტივეთ. თუ იაპონიაში ან იაპონურ რესტორანში ხართ, ორიგინალური მოჩი ან დაიფუკუ აუცილებლად მიირთვით.
ცომის ინგრედიენტები:
- 200 გ ბრინჯის ფქვილი
- 2 ჩ/კ მატჩას ჩაი
- 200 მლ წყალი
- 60 გ შაქარი
- სიმინდის სახამებელი ან ბრინჯის ფქვილი ცომის გასაწელად
შიგთავსის ინგრედიენტები:
- 100 მლ შესქელებული რძე
- 1 საზამთრო
- შოკოლადის ბურბუშელა
მომზადების წესი:
- ნაყინ დაიფუკუს შიგთავსი წინასწარ მოამზადეთ. ზოგიერთ რეცეპტში საოცარი რჩევა გვხვდება: შესქელებული რძე დაჭრილ საზამთროს მოასხით, დააბლენდერეთ და საყინულეში შედგით. გირჩევთ, უფრო რაციონალურად მოიქცეთ.
- თუ საზამთრო არ მოგწონთ, რაღაც სხვა შეარჩიეთ. მაგალითად, ნესვი, ჟოლო, მარწყვი, კივი, ატამი. ატამის და კივის შემთხვევაში ქერქი აუცილებლად მოაშორეთ. ხილი დაჭერით და დააბლენდერეთ. შესქელებული რძე დაუმატეთ და ერთგვაროვანი მასის მიღებამდე დააბლენდერეთ. ახლა შოკოლადის ბურბუშელა მოაყარეთ და მინიმუმ 5 საათით საყინულეში შეინახეთ.
- ცომი მოამზადეთ. წებოვანი ბრინჯის ფქვილი, მატჩას ჩაი, შაქარი და წყალი აურიეთ. ერთგვაროვანი მასის მიღებამდე აურიეთ და ცხელ ანტიმიწვის საფარის მქონე ტაფაზე დაასხით. ცომს სპატულით მუდმივად ურიეთ, სანამ ელასტიური და წებოვანი არ გახდება.
- ქურა გამორთეთ და ცომს ცოტა გაგრილება აცადეთ. ახლა მაგიდაზე დადგით, ბევრი სახამებელი ან ბრინჯის ფქვილი მოაყარეთ. იმდენი მოაყარეთ, რომ ცომი ხელზე არ მოგეკვრათ. ამის შემდეგ ცომი გააბრტყელეთ, თითქოს გირცებს აკეთებთ. ცომიდან პატარა მრგვალი ნაჭრები მოწყვიტეთ და საზამთროს შიგთავსი დაუმატეთ.
- ცომის კიდეები ფრთხილად შეკარით, რომ შიგთავსი დახურულ ბურთში აღმოჩნდეს. თუ დესერტი მაინც წებოვანია, ცოტა სახამებელი დაუმატეთ. ხელის წრიული მოძრაობით იდეალური ფორმა მიეცით და სტუმრებს გაუმასპინძლდით.
ნაზი მოჩი – სიტყვაზე, მოჩს განსხვავებული შეფერილობა შეიძლება ჰქონდეს. აუცილებელი არაა, რომ მატჩა დაუმატოთ. ეს ჩაი დესერტს მწვანე შეფერილობას ანიჭებს. თუ გსურთ, რამდენიმე წვეთი ნებისმიერი საკვები საღებავი დაუმატეთ, რომ სასურველი ფერი მიიღოთ. მაგალითად, ვარდისფერი მოჩი, თუ პატარა პრინცესასთვის აკეთებთ. ლურჯი, თუ დესერტი ვაჟიშვილისთვის განკუთვნილია. მატჩა მხოლოდ ნატურალური საღებავის როლს ასრულებს.
დაიფუკუს მომზადება უკვე იცით, როგორ გავაკეთოთ მოჩი? მთლიანობაში, პროცესი მსგავსია. სხვაობა მხოლოდ შიგთავსშია. დაიფუკუს გაყინული ხილი და შესქელებული რძე სჭირდება. ჩვეულებრივი მოჩისთვის – უბრალოდ საყვარელი ხილის ნაჭრები ან მთელი კენკრა. წებოვანი ბრინჯის ფქვილის ალტერნატივის მოძებნა არ სცადოთ. სწორედ ის ანიჭებს მოჩს საჭირო ფორმას. მნიშვნელოვანია, რომ ცომს შიგთავსი მაშინ დაუმატოთ, როცა ჯერ კიდევ თბილია. ასე ფორმას უკეთ შეინარჩუნებს და არ დაიშლება.
