სახლში ქათმის სოსისის გაკეთება დიდი ხანია მსურდა, მაგრამ ისეთი არ გამოვიდა, როგორსაც ველოდი. გული დამწყდა. სოსისი ან მშრალი ან ზედმეტად უმარილო იყო. აი, როგორც იქნა, კარგი რეცეპტი აღმოვაჩინე. სოსისი გემრიელი, ნაზი და ძალიან წვნიანი გამოვიდა. ზუსტად ისეთი, როგორიც საჭიროა! Vivien შინაურული სოსისის მომზადების უჩვეულო მეთოდს გიზიარებთ.
ინგრედიენტები:
- 2 ქათმის გულმკერდი
- 2 კვერცხი
- 1 ხახვი
- 1 სტაფილო
- 3 კბილი ნიორი
- 100 გ ხმელი ყველი
- 2 ს/კ მანანის ბურღული
- 1 ს/კ მშრალი რძე
- 1 ჩ/კ მარილი
- სანელებლები გემოვნებით
მომზადების წესი:
- ბოსტნეულის მომზადებით დაიწყეთ. ხახვი და ნიორი წვრილად დაჭერით, სტაფილო საშუალო სახეხზე გახეხეთ. ცოტა მცენარეულ ზეთში ოქროსფერ შეფერილობამდე შეწვით.
- ქათმის გულმკერდი ხორცსაკეპ მანქანაში ან ბლენდერში დააქუცმაცეთ.
- მიღებული ფარში, კვერცხი, მშრალი რძე და მანანის ბურღული აურიეთ. მარილი, წიწაკა და სანელებლები გემოვნებით დაუმატეთ. ცოტა ხმელი კამა დაუმატეთ. ახლა შემწვარი ბოსტნეული დაუმატეთ. ერთგვაროვანი ფარში მოზილეთ. 10-15 წუთით გააჩერეთ.
- პერგამენტი აიღეთ და პატარა კვადრატებად დაჭერით. კვადრატის შუაში 2 კოვზი ფარში ჩადეთ. ხმელი ყველის ნაჭერი დაუმატეთ. ახლა ფარში ფრთხილად შეახვიეთ ისე, რომ ყველი შიგნით მოხვდეს. მითითებული რაოდენობით 8 სოსისი გამოვა.
- სოსისი პერგამენტში მჭიდროდ გაახვიეთ და კიდეები შეკარით. მშრალ ტაფაზე ორივე მხრიდან შეწვით. ახლა წყალი დაუმატეთ ისე, რომ სოსისი მასში ნახევრად ცურავდეს. თავსახური დაახურეთ და კიდევ 15 წუთით სუსტ ცეცხლზე ხარშეთ. პერგამენტი გაშალეთ და ცხელი სოსისი სუფრაზე გაიტანეთ.
ქათმის სოსისი ნაზი და არომატული გამოდის. შიგნით ყველის წყალობით მშრალი არაა, როგორც ეს ჩვეულებრივ ხდება. რა თქმა უნდა, ყველის გარეშე შეგიძლიათ გააკეთოთ, თუ ნაკლებად კალორიული კერძის მომზადება გსურთ. ვფიქრობთ, ასე უფრო გემრიელია. თუ მსუბუქ საზაფხულო სალათს დაუმატებთ, ნოყიერი და სასარგებლო ვახშამი ან სადილი გამოვა. ბავშვები სიხარულით მიირთმევენ. შესაძლოა მაღაზიაში ნაყიდი სოსისი უფრო გემრიელი იყოს, მაგრამ სახლში მომზადებული უფრო სასარგებლოა.
