ვამზადებთ ლამაზ და გემრიელ ბლინებს. უდავოდ, ყველა დიასახლისს ამ კერძის მომზადება ერთხელ მაინც უცდია. Vivien როგორც დამწყებ, ასევე გამოცდილ მზარეულებს ცოდნის განახლებას გირჩევთ. რომელი მარტივი საიდუმლო ხრიკები დაგეხმარებათ იდეალური ბლინების გამოცხობაში? დაიმახსოვრეთ რეკომენდაციები.
ლამაზი ბლინი – იდეალურ ბლინს მიიღებთ, თუ ორ ფაქტორს თანაბარ ყურადღებას დაუთმობთ. ეს როგორც ინი და იანია. არა მხოლოდ პროდუქტები და პროპორციები, არამედ ტაფაც სწორად უნდა შეარჩიოთ. ასევე მასალა, რომლიდანაც ტაფაა დამზადებული. გირჩევთ, სპეციალურად ბლინებისთვის ცალკე ტაფა შეიძინოთ. მას დაბალი გვერდები აქვს, რაც თითოეული ბლინის გადასაბრუნებლად ძალიან მოსახერხებელია.ასეთი ტაფა ძალიან მსუბუქი უნდა იყოს. ხომ გესმით, რომ ბლინის მომზადებისას ტაფის ოსტატურად მართვა მოგიწევთ. კარგია, როცა ხელი დიდი და მძიმე ტაფის ტრიალით არ დაიღლება. სიტყვაზე, ტაფას, რომელსაც ტეფლონის საფარი აქვს, ბლინების მომზადების დაწყებამდე ცხიმი შეგიძლიათ წაუსვათ.
გემრიელი ბლინების წესები – რეკომენდებულია, ძალიან ბევრი ზეთი არ დაასხათ, არამედ ყოველი მესამე ბლინის გამოცხობის შემდეგ ტაფას წაუსვათ. ამისთვის სალა (მარილის და სანელებლების გარეშე) შეგიძლიათ გამოიყენოთ. სალას ჩანგალი დაარჭეთ და ტაფის ზედაპირს წაუსვით. ბლინები სწრაფად რომ დააცხოთ, ტაფა მაქსიმალურად გააცხელეთ.ტაფის დიამეტრი თქვენი პირადი გასტრონომიული პრეფერენციების მიხედვით შეარჩიეთ. პატარა ტაფაზე ფაფუკი ოლადების მომზადება ძალიან მოსახერხებელია. რა თქმა უნდა, დიდ და ფართო ტაფაზე დიდი და თხელი ბლინები შეგიძლიათ დააცხოთ. მზა ბლინების ერთ დასტად დაწყობას ნუ იჩქარებთ. უფრო გემრიელი გამოვა, თუ თითოეულ ბლინს კარაქს წაუსვამთ. ასე ერთმანეთს არ მიეკვრება და თითოეული ნაზი გემოთი გაიჟღინთება.
მსუბუქი და ჰაეროვანი – დაიმახსოვრეთ მნიშვნელოვანი ხრიკები, რომელიც ყველა დიასახლისმა უნდა იცოდეს. ასე შეუდარებელ ბლინებს დააცხობთ. ნებისმიერ შემთხვევაში ფქვილი აუცილებლად გაცერით, სანამ თხევად ინგრედიენტებს დაუმატებთ. ასე ფქვილი გოროხებად არ შეიკვრება და ცომს ჟანგბადით გაამდიდრებს. ასეთ ბლინებს მიმზიდველი ბუშტები და ფორმები ექნება.ბლინი რომ არ დაიხეს, მზა ცომი 15-20 წუთით მაცივარში შეინახეთ. მასა ოდნავ გასივდება და ცომი ელასტიური გახდება. სიტყვაზე, კვერცხი და რძე პრინციპულად ცივი უნდა გამოიყენოთ. ათქვეფისას ფაფუკ და ლამაზ ქაფს ქმნის. მშრალ ინგრედიენტებს დაუმატეთ და არა პირიქით. ასე გოროხების წარმოქმნის ნაკლები რისკია.სასურველია, რომ მცენარეული ზეთი ბოლოს დაუმატოთ. რაფინირებული ზეთის გამოყენებას გირჩევთ. ის სხვადასხვა მინარევისა და სუნისგან გაწმენდილია. თუ უფრო ნარინჯისფერი მზა ბლინის მიღება გსურთ, მეტი შაქარი დაუმატეთ. კარამელიზაციის პროცესში ქარვისფერ შეფერილობას შემატებს. ზედმეტი არ მოგივიდეთ, რადგან ძალიან ბევრი შაქარი რბილ ბლინს მყარ ძირად აქცევს.
აჟურული ლამაზი ბლინი – ვის არ უყვარს ზედმეტად მიმზიდველი და ტკბილი ბლინით თავის განებივრება? ჩვეულებრივი მინერალური წყალი ბევრი ბუშტის მიღებაში დაგეხმარებათ. ცოტა მინერალური წყლის დამატება საკმარისია. 5 სუფრის კოვზი მდუღარე წყალი ბლინებს უფრო ელასტიურს გახდის.კიდევ რა დავუმატოთ მზა ბლინებს, რომ ყველა ტკბილეულის მოყვარულის გული მოიგოთ? გამდნარი კარაქი დაუმატეთ. კარაქი ცხელ ბლინს სინაზეს და სიტკბოს შემატებს. 80%–იანი კარაქი გამოიყენეთ. ის უფრო გემრიელია, რადგან ნატურალური რძის მეტ ცხიმს შეიცავს.წარმატებული დეგუსტაციისთვის უმჯობესია სხვადასხვა სოუსი და დანამატი მოამზადოთ. ტკბილიდან შეარჩიეთ შესქელებული რძე, მურაბა, გამდნარი შოკოლადი, ხილის ნაჭრები. ამავდროულად, არ დაგავიწყდეთ, რომ ბლინების ცომს შეგიძლიათ მწვანილი დაუმატოთ. მზა ბლინები სუფრაზე ხიზილალასთან ან წითელ თევზის ნაჭრებთან ერთად შეგიძლიათ გაიტანოთ. ძალიან გემრიელი გამოვა.
