ქილაში შენახული სალა ყველა დიასახლისს უნდა ჰქონდეს. რეცეპტი ნამდვილად მარტივია, მაგრამ ეს კერძის გემოზე არ აისახება. ბევრი რამის გაკეთება საჭირო არაა. ყველა ინგრედიენტი ქილაში მოათავსეთ და არომატული სალა ხორცის ფენით თითქმის მზადაა. ასეთი კერძი სამზარეულოში აუცილებლად გაიმეორეთ.
სახლში მომზადებული სალა ქილაში – ასეთ სალას ხორცის ფენა უნდა ჰქონდეს. ამ შემთხვევაში უფრო ნოყიერი კერძი გამოვა. ისეც შეგიძლიათ მიირთვათ ან სადღესასწაულო სუფრისთვის დაჭრათ. უბრალოდ იდეალური იქნება. სანელებლების რაოდენობა საკუთარი სურვილის მიხედვით დაარეგულირეთ. ასეთი სალასთვის მცირე პიკანტურობა ზედმეტი არასდროსაა.
ინგრედიენტები:
- 3 კგ სალა
- 20 გ მარილი
- ხორცის სანელებლები
- სალას სანელებლები
მომზადების წესი:
- სალა გულიანად აარჩიეთ. ზოგს უხორცო თხელი სალა უყვარს. ზოგს უფრო ხორციანი ნაჭრები. თუ გსურთ სუფრაზე დაჭრილი გაიტანოთ, ხორცის ელემენტებს გვერდს ვერ აუვლით. ლუდთან მისაყოლებლად უბრალოდ სალაც კარგია.
- სალა 5 სმ სიგანეზე დაჭერით. ძალიან გრძელი ან თხელი არ უნდა იყოს. ცალკე თასში სანელებლები და მარილი აურიეთ და სალას ნაჭრები ამოავლეთ.
- სალა პატარა ქილაში მაქსიმალურად მჭიდროდ ჩააწყვეთ, ნაჭრებით მთელი ქილა გაავსეთ. თავსახური დაახურეთ. ღუმელში მოათავსეთ (წინასწარ გაცხელება საჭირო არა) და 200 გრადუსზე ჩართეთ.
- როგორც კი, სალა ქილაში ბუყბუყს დაიწყებს, ტემპერატურას 120 გრადუსამდე დაუწიეთ და კიდევ ზუსტად 1 საათით აცხვეთ. ამის შემდეგ ქილები ღუმელიდან გამოიღეთ და მოხუფეთ.
გაითვალისწინეთ, რომ ცხობისას სალა ზომაში შემცირდება. თუ ძალიან თხელ სალას აიღებთ, შეიძლება უბრალოდ გადნეს და ცხიმად გადაიქცეს. სწორედ ამიტომ, სალა ხორცის ფენით რეკომენდებულია. რეცეპტის ზოგიერთი ელემენტი თქვენი სურვილის და ღუმელის მიხედვით შეგიძლიათ შეცვალოთ.
ნაზი და რბილი სალა ქილაში – ასეთი სალა მაცივარში შეინახეთ. თუ ცხიმის სწრაფად გადნობა გსურთ, რომელიც შიგნით ნებისმიერ შემთხვევაში იქნება, მაშინ ქილა ცხელ წყალში ჩადეთ. ცხიმი სწრაფად გადნება და ქილიდან სალის ნაჭრებს მარტივად ამოიღებთ. უფრო მეტიც, ასეთი სალა არა მხოლოდ ხორცის თეფშს შეგიძლიათ დაუმატოთ. სალით საინტერესო ხორცის კანაპე შეგიძლიათ მოიფიქროთ. ერთ შამფურზე ააწყვეთ შავი პურის ნაჭრები, ყველი სულგუნი, კიტრის ნაჭრები და ზემოდან გამომცხვარი სალის თხელი ნაჭრები. მენდეთ, ასეთი გემრიელობა სუფრიდან წამებში გაქრება. ბევრი კანაპე მოამზადეთ. ხორცისა და სალისთვის შესაფერისი რაიმე ნაზი სოუსის გამოტანა არ დაგავიწყდეთ. საოცრად გემრიელი იქნება.
