ჩემმა დაქალმა შვებულების წინ საავადმყოფოში მოხვედრა მოახერხა. ყველაფერი იმიტომ, რომ სასწრაფოდ რამდენიმე კილოგრამის დაკლება სურდა, რომ საცურაო კოსტიუმის ჩაცმა არ შერცხვენოდა. არასწორად შერჩეული დიეტა სწორედ ეს დასვენება დაუჯდა. საბედნიეროდ, ახლა აღარ რისკავს. დიეტოლოგთან კონსულტანციის შემდეგ კვირაში ერთხელ შიმშილობა აირჩია. მითხრა, რომ ასეთი სიმსუბუქე დიდი ხანია არ განუცდია. ჩნდება ლოგიკური კითხვა: ღირს ამად? მეთოდი ყველას არ უხდება, მაგრამ თავისი უპირატესობა აქვს. პრაქტიკა აჩვენებს, რომ კვირაში ერთხელ ჭამაზე უარის თქმა ორგანიზმს წიდებისგან წმენდს. Vivien გიამბობთ, როგორ იშიმშილოთ სწორად, რომ სასურველ ეფექტს მიაღწიოთ.
რა სარგებელი აქვს კვირაში ერთხელ შიმშილობას – მუდმივად რაღაცის ღეჭვის ცუდი ჩვევა ან გაძღომამდე ჭამა კალორიების დაგროვებას იწვევს. უბრალოდ მათ დახარჯვას ვერ ასწრებს, ამიტომ ცხიმად გარდაიქმნება. გროვდება სხვადასხვა წიდებიც, რომელიც კუჭში კონსერვანტების და გემოს გამაძლიერებლების სახით ხვდება. ორგანიზმის გაწმენდას დრო სჭირდება. დრო კი კატასტროფულად არ გვყოფნის, რადგან ახალ ულუფა საკვებს ვაწვდით. მთელი ძალა მის გადამუშავებას ხმარდება, ხოლო ტოქსინები დაგროვებას აგრძელებს. ერთდღიანი შიმშილობა ორგანიზმს შესვენებას აძლევს. ასე მთელი ძალა მავნე ნივთიერებების მოშორებისკენაა მიმართული.
მეთოდის მახასიათებლები
- განსაზღვრეთ დღე, როცა იშიმშილებთ. 2–3 დღით ადრე რაციონიდან გამორიცხეთ ცხიმიანი ხორცი და თევზი, ლობიო, ბარდა, ტკბილეული და ალკოჰოლი.
- შიმშილობის წინ მთელი დღე მხოლოდ ახალი ხილი და ბოსტნეული მიირთვით.
- ბოლო საღამოს ნაწლავები ოყნით გაიწმინდეთ. ამის შემდეგ ჭამა შეწყვიტეთ.
- ბევრი სუფთა წყალი დალიეთ. ასე შიმშილის გრძნობას დათრგუნავთ და ტოქსინების გამოდევნას დააჩქარებთ. სხვა სასმელი დაივიწყეთ.
- შიმშილობისთვის (განსაკუთრებით პირველად) აირჩიეთ დღე, როცა სახლში რჩებით. ეს მძიმე პროცესია, ამიტომ ხშირად სისუსტე ახლავს.
- საკვებზე უარის თქმა სისხლში შაქარს ამცირებს, თავის ტკივილს და სისუსტეს იწვევს. თავს უკეთ იგრძნობთ, თუ თაფლიან წყალს კოვზ ლიმონის წვენთან ერთად დალევთ.
- შიმშილობის შემდეგ კუჭი არ გადატვირთოთ. რაციონი ხილისა და ბოსტნეულისგან უნდა შედგებოდეს. შემდეგ თანდათან 1–2 ჩვეული კვების პროდუქტი დაუმატეთ. ძალიან ცხიმიანი და ბევრი ნახშირწყლის შემცველი პროდუქტი არ უნდა იყოს.
შედეგი – უკვე რამდენიმე შიმშილობის შემდეგ ცვლილებებს იგრძნობთ:
- საჭმლისკენ ლტოლვა შემცირდება;
- ნივთიერებათა ცვლა დაჩქარდება;
- საჭმლის მომნელებელი სისტემა გაიწმინდება და უკეთ იმუშავებს;
- იმუნიტეტი გაიზრდება;
„ვერხვის“ წელის დევნაში ქალები და კაცები კვირაობით სხვადასხვა დიეტით თავს იტანჯავენ. ზოგიერთი მათგანი რადიკალურია და უფრო ზიანს გვაყენებს, ვიდრე სარგებელს. ექიმთან კონსულტანციის და სწორი მიდგომის გარეშე ერთდღიანი შიმშილობაც შეიძლება თქვენს ჯანმრთელობაზე ცუდად აისახოს. ყველაფერს, განსაკუთრებით ჯანმრთელობას გონივრულად უნდა მიუდგეთ.
