ჩვენს ნათესავებს და მეგობრებს კარგად ვიცნობთ: მათ ქცევას და რეაქციას წინასწარ ვხვდებით, მათი სანუკვარი სურვილების და ოცნების შესახებ ვიცით. როგორ განვსაზღვროთ ადამიანის ხასიათი, რომელსაც კარგად არ ვიცნობთ? დააკვირდით! ნახეთ, რომელი ნივთებით გარემოცულია, რას ანიჭებს უპირატესობას და რას ირჩევს. გაგიმართლათ, თუ ასეთი ადამიანი სადილზე ან ვახშამზე დაგპატიჟებთ. მის სამზარეულოს თეფშებს დააკვირდით: დიდია თუ პატარა, მოხატული თუ მის გარეშე, თეთრი თუ ფერადი? ტესტი, რომელიც ადამიანის ხასიათს ავლენს, მისი მონაწილეობის გარეშე შეგიძლიათ გაიაროთ!
ადამიანის ხასიათის განსაზღვრა მის სამზარეულოში თეფშებით
უბრალო თეთრი თეფშები – თუ უბრალო თეთრი თეფშებიდან მიირთმევთ, რომელსაც ერთი რელიეფი და ნახატი არ აქვს, გამოდის გურმანი ხართ. გსურთ, რომ ყურადღების ცენტრში იყოს საჭმელი და არანაირი მოხატულობა ყურადღებას არ ფანტავდეს. სავარაუდოდ, კარგი მზარეული ხართ და კერძების ლამაზად სერვირება შეგიძლიათ. ნათესავებს და მეგობრებს თქვენი სუფრები უყვართ. გარდა ამისა, უბრალო თეთრი ჭურჭელი პრაქტიკულობაზე საუბრობს, რადგან მისი ჩანაცვლება ადვილია.
მოოქროვილი თეფშები – შეიძლება ითქვას, რომ კოკო შანელის სიტყვები, რომ ქალს უნდა ჰქონდეს ორი რამ: იყოს იდუმალი და მოდური, თქვენს ცხოვრებისეულ კრედოში იხლართება. ცხოვრებას სამომავლოდ არ დებთ, არამედ მომენტით ტკბებით. დიასახლისების უმეტესობა ლამაზ მოოქროვილ თეფშებს განსაკუთრებული შემთხვევებისთვის ინახავს, მაგრამ ასეთი არ ხართ. ყოველი დღე ახალი დღესასწაულების საბაბია!
ფერადი ჭურჭელი – თუ ფერადი ჭურჭლიდან მიირთმევთ, ზუსტად იცით, როგორ იმხიარულოთ. მოსაწყენი რუტინული საქმე და სტერეოტიპული ზრდასრული ცხოვრება თქვენზე არაა. ფერადი ჭურჭლის მფლობელი სულში ნამდვილი ბავშვია, რომელსაც ცხოვრებიდან სიამოვნების მიღება შეუძლია. ეს ადამიანი დღეს განათებული იწყებს და ასე ამთავრებს.
ყვავილებიანი თეფშები – როგორც წესი, ყვავილები ნაზ და მგრძნობიარე ქალებს უყვართ. ისინი ადამიანებს, ხელოვნებას და ცხოვრებას ღრმად შეიგრძნობენ. გარდა ამისა, ჭურჭელზე ყვავილებიანი მოხატულობის მოყვარულები მეოცნებეები არიან. შესაბამისად, სამზარეულოსა და სახლში გარემო ფანტაზიას უფრო რეალურს ხდის.
ღრმა და გაჯერებული ფერის თეფშები – თქვენში ემოციები და სტიქიები ბობოქრობს. თამამი და შეუპოვარი პიროვნება ხართ. ღრმა ზურმუხტის, გაჯერებული ღვინისფრის ან კეთილშობილური მუქი ლურჯი თეფშების მფლობელებს სირთულეები არ აშინებთ. სასოწარკვეთილად იბრძვიან და უსიამოვნებებს ეწინააღმდეგებიან.
ვინტაჟური თეფშები – ვინტაჟური ჭურჭლის დამფასებელს უყვარს მოგზაურობა, ისტორიით და ლიტერატურით გატაცებულია. მოხატული თეფშები გაჯერებული ფერით ამ კრეატიული ხალხის სამყაროს ავსებს. როგორც წესი, ძვირფას ნივთებს სათუთად ინახავენ, ოჯახის ალბომში ფოტოებს სკრუპულოზურად ათავსებს. ამ ადამიანს მდიდარი შინაგანი სამყარო აქვს და წარსულს პატივს სცემს.
რელიეფური თეფშები – უბრალოებას აფასებთ. პატარა რელიეფური მოხატულობაც მას საინტერესოს ხდის. ასე არა უბრალო თეთრი თეფში, არამედ არასტანდარტული და ლამაზი ხდება. დეტალებს, ყურადღების მცირე გამოხატვას ამჩნევთ. სავარაუდოდ, თქვენი მეგობრები და ნაცნობები სწორად შერჩეული საჩუქრის ან ახალი ვარცხნილობის შექების გამო გაფასებენ. დაბადების დღეები და დასამახსოვრებელი თარიღები არ გავიწყდებათ.
პლასტმასის თეფშები – ვის არ აქვს დიდი პლასტმასის სასალათე? თუმცა ბევრი პლასტმასის თეფში მეოცნებე ადამიანზე საუბრობს. სავარაუდოდ, ფანტაზიაში იმდენად იძირებით, რომ ჭურჭელს ყურადღებას არ აქცევთ. სწორედ ამიტომ, ხელიდან ხშირად გივარდებათ ან გზაზე გხვდებათ. ხოლო პლასტმასის თეფშები არ ტყდება!
ახლა იცით, რომ სტუმრად ყოფნისას სამზარეულოს ჭურჭელს ყურადღებით უნდა დააკვირდეთ. ნივთებს ადამიანსა და მის ხასიათზე ბევრის თქმა შეუძლია. რომელი თეფშები გაქვთ სამზარეულოში?
