ბავშვობაში იდუმალი სიტყვა „ტოპინამბური“ ორმაგ ასოციაციებს იწვევდა. ხან რაღაც ჯადოსნური არსების სახელი მეგონა, ხან ხე აფრიკაში. ახლა ბევრი მეაგარაკე სწორედ ტოპინამბურზე, იგივე მიწავაშლაზე ფიქრობს. ამბობენ, რომ მიწავაშლა წინასწარ უნდა დარგოთ. Vivien ამ იდუმალი ძირნაყოფის შესახებ გიამბობთ.
მიწავაშლას ბოლქვები
ბევრი მებაღე მიწავაშლას დეკორატიულ მცენარედ ზრდის. სიტყვაზე, მზესუმზირის საკმაოდ ახლო ნათესავია. მისი სამშობლო სამხრეთ ამერიკაა. მცენარე უნიკალურია, რადგან დეკორატიულია და როგორც ცხოველების, ასევე ადამიანების საკვებად გამოდგება.მცენარის სილამაზე იმაშია, რომ უპრეტენზიოა. თითქმის ნებისმიერ პირობებში იზრდება, გვალვას, ყინვას ადვილად იტანს და რეგულარული გამოკვება არ სჭირდება. მიწის მაღალი ტენიანობა, რომელიც ბევრ უპრეტენზიო მცენარეს არ უყვარს, მისთვის არაფერია.
მიწავაშლას მიღებით ორგანიზმს ბევრი ვიტამინით და სასარგებლო ნივთიერებით გაავსებთ. მასში შედის ცილები, რკინა, ამინომჟავები, პექტინი და ბევრი სხვა. სიტყვაზე, მიწავაშლა გამოადგება დიაბეტიკებს და მათ, ვინც დიეტაზეა. სპეციალისტები მიწავაშლას მიღებას ურჩევენ მათ, ვინც ბინძურ მეგაპოლისებსა და სამრეწველო უბნებში ცხოვრობს.მიწავაშლა შეგიძლიათ გათალოთ და უმად მიირთვათ. ვაშლს, სტაფილოს და ჭარხალს იდეალურად ეთავსება. ძირნაყოფი შეგიძლიათ შეწვათ, მოხარშოთ და დაამწნილოთ. მიწავაშლას წვნიანი წარმოუდგენლად ნოყიერი და გემრიელი გამოდის. ბრიტანელები ძირნაყოფის ნაჭრებს ბეშამელის სოუსს ასხამენ და ხბოს ხორცთან ერთად მიირთმევენ.ალბათ, მისი გემო გაინტერესებთ. ცოტა მოტკბო, კაკლის გემო აქვს. ბოლოკის რბილობს ჰგავს. სხვათა შორის, ხმელი მიწავაშლა ცომეულში შეგიძლიათ გამოიყენოთ ან ყავის მსგავსი სასმელი მოხარშოთ.
როგორ გავზარდოთ მიწავაშლა – როგორც წესი, მიწავაშლას პირველ ყინვამდე 2 კვირით ადრე მიწაში რგავენ. თითქმის ნებისმიერი მიწა გამოგადგებათ მლაშობის გარდა. მცენარე მხოლოდ მაშინ მორწყეთ, როცა გვალვა დიდხანს გრძელდება. მინერალური სასუქი ყოველ გაზაფხულზე შეგიძლიათ გამოიყენოთ, ხოლო ორგანული – 3 წელიწადში ერთხელ. ბევრი სინათლე სჭირდება: მზის სხივების მოყვარულია. ადგილი შესაბამისად შეურჩიეთ. გამოგადგებათ ნაკვეთი, სადაც ადრე კომბოსტო, კიტრი ან კარტოფილი იზრდებოდა.
