მარწყვს არ ვყინავ და არ ვხარშავ. ახალი კენკრის მთელი წლით შენახვის ოსტატობა

0
2379

მალე მარწყვის სეზონი დაიწყება. რა თქმა უნდა, სეზონზე ბევრი მარწყვის ჭამა გვსურს, მაგრამ ადამიანის შესაძლებლობები შეზღუდულია. ჩნდება კითხვა, როგორ შევინახოთ მარწყვი, რომ სეზონი მაქსიმალურად გავახანგრძლივოთ. Vivien გიზიარებთ მარწყვის შენახვის მეთოდს ხარშვის და გაყინვის გარეშე. ასე ახალ კენკრას მთელი წელი შეინახავთ.

ინგრედიენტები:

  • 3 კგ მარწყვი
  • 3 კგ შაქარი

მომზადების წესი:

  1. მომზადებამდე გაითვალისწინეთ მნიშვნელოვანი მომენტი: კენკრა ახალი უნდა იყოს. სხვა შემთხვევაში გემო გაფუჭდება. მარწყვი დიდ ჭურჭელში მოათავსეთ და ცივი წყალი 10 წუთით დაასხით. შემდეგ გამდინარე წყალში კარგად გარეცხეთ.
  2. ამის შემდეგ კენკრა კარგად გაწმინდეთ, ფესვები მოაშორეთ. მსხვილი ნაყოფი შუაზე შეგიძლიათ გაჭრათ. შაქარი და მარწყვი 1:1 თანაფარდობით აიღეთ. დიდ თასში ცოტა შაქარი ჩაყარეთ, შემდეგ მარწყვის ფენა. ასე მთელი კენკრა თასში გადაიტანეთ. ცოტა შაქარი დაიტოვეთ, მოგვიანებით დაგჭირდებათ.
  3. მარწყვი 3 საათით გააჩერეთ. ამ დროში რამდენჯერმე აურიეთ. მარწყვი წვენს გამოყოფს, ხოლო შაქარი ცოტა გაიხსნება.
  4. პატარა ქილები მოამზადეთ. სუფთა და მშრალი უნდა იყოს. ყოველი შემთხვევისთვის გაასტერილეთ. მარწყვი ქილებში ჩაყარეთ, თითქმის ბოლომდე გაავსეთ, მხოლოდ ცოტა ადგილი დატოვეთ.
  5. დარჩენილი შაქარი დაუმატეთ და ქილები მოხუფეთ. მოხუფული ქილები მაცივარში მთელი წელი შეგიძლიათ შეინახოთ. კენკრა გემოს და არომატს არ დაკარგავს.

ძალიან გემრიელი გამოდის და მთელი წელი ინახება, ხარისხი შეუდარებელია. ნამდვილი ცოცხალი მურაბა! ახლა მურაბის მოხარშვა საჭირო არაა. ბოლო რამდენიმე წელია ასე ვაკეთებთ და მთელი ზამთარი კენკრას მივირთმევთ. ისე უბრალოდ შეგიძლიათ მიირთვათ ან კომპოტი გააკეთოთ. ყველაზე მეტად ზამთარში კენკრიანი გირცი მიიყვარს. აქ, შუა ყინვაში ნამდვილად ზაფხულს იგრძნობთ!ამ მეთოდით ნებისმიერი კენკრა შეგიძლიათ შეინახოთ. მეთოდი იგივეა, შედეგი ყოველთვის შეუდარებელი!