სასადილოს ყოფილმა მზარეულმა „ზღარბის“ მომზადების რეცეპტი გამიმხილა

0
63

ჩვენს დროს საბავშვო ბაღის მენიუში ამ კერძს „ზღარბი“ ერქვა. ახლა სხვა დროა, მაგრამ ძველი რეცეპტი დღემდე აქტუალურია. ასე ხორცის დაზოგვას შეძლებთ და პატარა პრეტენზიულ მჭამელებს დააპურებთ. „ზღარბი“ ბრინჯით და ფარშით საწებელში ბავშვობის კიდევ ერთი ნოსტალგიური მოგონებაა.

კატლეტის და გარნირის ინგრედიენტები:

  • 1 ჭიქა ბრინჯი
  • 500 გ ფარში
  • 1 ჭიქა საფანელი
  • 1 ჭიქა წყალი
  • 3 კბილი ნიორი
  • 1 ხახვი
  • 20 გ კარაქი
  • 1 კვერცხი
  • მარილი და წიწაკა გემოვნებით
  • მცენარეული ზეთი

საწებლის ინგრედიენტები:

  • 1 ჩ/კ პომიდვრის პასტა
  • 1 ს/კ ფქვილი
  • 0,5 ჭიქა წყალი

მომზადების წესი:

  1. საფანელს 1 ჭიქა წყალი დაასხით და 5 წუთით გააჩერეთ.
  2. ნიორი და ხახვი დააბლენდერეთ. ძველად ბლენდერის ნაცვლად ხორცსაკეპ მანქანას იყენებდნენ. ჩვენ მზა ფარშს ვიყენებთ, ამიტომ გამოსავალი უნდა ვნახოთ.
  3. ფარში თასში გადაიტანეთ. დაქუცმაცებული ხახვი, წიწაკა, კვერცხი და გასქელებული საფანელი დაუმატეთ. ხელით აურიეთ.
  4. მიღებული მასიდან კატლეტები გააკეთეთ.
  5. საფანელში ამოავლეთ და გახურებულ ზეთში ტაფაზე შეწვით.
  6. საშუალო ცეცხლზე თითოეული მხრიდან 2 წუთით შეწვით.
  7. ზუსტად ისეთი რომ გააკეთოთ, როგორც ძველად სასადილოებში იყო, საწებელი გვაკლია. მის მოსამზადებლად ნახევარი ჭიქა წყალი, 1 ჩ/კ პომიდვრის პასტა და 1 ს/კ ფქვილი ჩანგლით აურიეთ. გოროხები არ უნდა დარჩეს.
  8. კატლეტები ამ მასაში 5-10 წუთით მოშუშეთ. საწებელი ამ დროში გასქელდება.
  9. სუფთა მშრალ ტაფაზე გარეცხილი ბრინჯი დაყარეთ. 3 წუთით შეწვით. შემდეგ 600 მლ მდუღარე წყალი დაასხით.
  10. თავსახური დაახურეთ და 5 წუთით სუსტ ცეცხლზე მოშუშეთ.
  11. ახლა ბრინჯზე კარაქის ნაჭრები და კატლეტები დააწყვეთ. თავსახური დაახურეთ და კიდევ 10 წუთით სუსტ ცეცხლზე მოშუშეთ.
  12. გემრიელად მიირთვით!