ცხელი სეზონი ახლოვდება, მაგრამ ყველას არ აქვს კონდიციონერი, რომელიც სიცხის გაძლებაში გვეხმარება. Vivien გიზიარებთ კვების პროდუქტებს, რომლებიც ორგანიზმს ატენიანებენ და აგრილებენ.
- საზამთრო. გემრიელი, გამაგრილებელი და ერთ–ერთი ყველაზე სასარგებლო ხილი, რომელიც სიცხესთან გამკლავებაში დაგეხმარებათ. 92% წყალს შეიცავს და ორგანიზმს კარგად ატენიანებს. საზამთრო მდიდარია ლიკოპენით, ანტიოქსიდანტებით, А, В6 და С ვიტამინებით, კალიუმით და ამინომჟავებით. სასარგებლო ხილი სხეულს გაგრილებაში ეხმარება. დაბალკალორიული პროდუქტია, ამიტომ გახდომის მსურველებისთვის შესაფერისია.
- კიტრი. შეუცვლელი საზაფხულო საკვები, რომელიც ორგანიზმიდან ტოქსინებს გამოდევნის და ჯანმრთელი და ლამაზი კანის შენარჩუნებაში გვეხმარება. ის 95% წყლისგან შედგება, რაც სუპერდამატენიანებელს ხდის. კიტრი ორგანიზმში წყლის ბალანსს იცავს.
- ნიახური. კიდევ ერთი პროდუქტი წყლის მაღალი შემცველობით. 95% წყალს და ელექტროლიტებს შეიცავს, ამიტომ სითხის აუცილებელი დონის შესანარჩუნებლად შესანიშნავი ვარიანტია. ნიახურის უპირატესობა დატენიანების უნარით არ შემოიფარგლება. ის შეიცავს ანტიოქსიდანტებს, რომლებიც კანს წმენდს და სიბერის ნიშნებს აფერხებს.
- იოგურტი. მნიშვნელობა არ აქვს, ტკბილი თუ მჟავე იოგურტი გიყვართ, მაინც საზაფხულო მენიუს კარგი დანამატია. როცა გარეთ ძალიან ცხელა, იოგურტი ნამდვილი მხსნელია. კარგი გამაგრილებელი, მკვებავი, მსუბუქი და იდეალური წასახემსებელია.
- ყვავილოვანი კომბოსტო. როგორც კომბოსტოსებრთა ოჯახის წარმომადგენელი მდიდარია С ვიტამინით, რამდენიმე მინერალით და მიკროელემენტით. კვლევამ აჩვენა, რომ ყვავილოვანი კომბოსტო ბევრ წყალს შეიცავს, ამიტომ ძალიან მკვებავი და დამატენიანებელია.
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
