თუ ცდილობთ, რომ ნაკლები შაქარი მიირთვათ და უშაქრო ცომეულზე გადახვიდეთ, Vivien გთავაზობთ საფუარის ცომით ხახვიანი ღვეზელი ბოშა ქალის რეცეპტით მოამზადოთ. საკმაოდ გემრიელი და ბიუჯეტური მეთოდია.
ცომის ინგრედიენტები:
- 1 კგ ფქვილი
- 600 მლ წყალი
- 11 გ საფუარი
- 2 ჩ/კ მარილი
- 100 გ მცენარეული ზეთი
შიგთავსის ინგრედიენტები:
- 800 გ ხახვი
- 1 ჩ/კ ხმელი ნიორი
- მწიკვი დაფქული შავი წიწაკა
- 0,5 ჩ/კ მარილი
- 6 ს/კ მცენარეული ზეთი
მომზადების წესი:
- ფქვილი თასში ჩაყარეთ. 2 ჩ/კ მარილი და თბილი წყალი დაუმატეთ.
- მშრალი საფუარი დაუმატეთ. აურიეთ და 5 წუთით გააჩერეთ, შემდეგ მცენარეული ზეთი დაუმატეთ და ცომი მოზილეთ. ჯერ კოვზით აურიეთ, შემდეგ ხელით მოზილეთ.
- ცომი ერთ გუნდად შეკარით, პარკი დააფარეთ და 5-10 წუთით გააჩერეთ. ფქვილმოყრილ მაგიდაზე ცომი 10 წუთით მოზილეთ. კვლავ ერთ გუნდად შეკარით, პარკი დააფარეთ და თბილ ადგილას 1 საათით გააჩერეთ.
- ხახვი გათალეთ და თხელ ნახევარ რგოლებად დაჭერით. ხახვი მცენარეულ ზეთში ტაფაზე შეწვით. პერიოდულად აურიეთ. დაახლოებით 5 წუთი დაგჭირდებათ. ხახვს მარილი და წიწაკა მოაყარეთ, ხმელი ნიორი დაუმატეთ. კარგად აურიეთ და შიგთავსი თეფშზე გადმოიტანეთ, რომ სწრაფად გაგრილდეს.
- ხელებსა და მაგიდას ზეთი წაუსვით. ცომი ორ ნაწილად გაყავით. ცომის ერთი ნახევარი 9 თანაბარ ნაწილად გაყავით. თითოეული ჩაზილეთ და თხელ ფირფიტად გააბრტყელეთ. შიგთავსი 9 თანაბარ ნაწილად გაყავით.
- თითოეულ ცომის ფირფიტას შიგთავსი დაუმატეთ. ახლა ცომი შუაზე გაკეცეთ და რულეტივით დაახვიეთ. პერგამენტ დაფარებულ საცხობ ფორმაზე გადაიტანეთ. ცომის დარჩენილ ნაწილთან ასე გაიმეორეთ. მეორე პეროგიც შეგიძლიათ ხახვით მოამზადოთ ან იმავე პრინციპით კომბოსტოს შიგთავსი გააკეთოთ. ძალიან გემრიელი გამოვა!
- 180 გრადუსამდე გახურებულ ღუმელში 40-45 წუთით აცხვეთ. სურვილისამებრ, მცენარეული ზეთი წაუსვით, მწვანილი მოაყარეთ და ნიორი დაახეხეთ. გემრიელად მიირთვით!
საფუარის ცომით მომზადებული ხახვიანი ღვეზელი კარგია იმით, რომ სამსახურიდან დაბრუნებისას მარტივად შეგიძლიათ გამოაცხოთ: მომზადებასა და ცხობას წუთები სჭირდება. ყველა დანაყრებული, კმაყოფილია, სახლში მშვიდობა და თანხმობა სუფევს!გირჩევთ, ორმაგი დოზა მოამზადოთ, როგორც ამ რეცეპტშია, რადგან საოცრად გემრიელი გამოდის. სუფრიდან პირველი ქრება! თუ მხოლოდ ერთ პორციას ამზადებთ, უფრო ნაკლები ინგრედიენტები გამოიყენეთ.
