ცხარე საკვების მოყვარულებს ხშირად ესმით, რომ მათი ლტოლვა კუჭის პრობლემებს გამოიწვევს, მაგრამ ასე არაა. ცხარე საკვები რაციონიდან მხოლოდ მაშინ უნდა გამორიცხოთ, თუ კუჭ–ნაწლავის ტრაქტის პრობლემები გაწუხებთ. გონივრული რაოდენობით ძლიერ შეკმაზული კერძი ორგანიზმზე მხოლოდ დადებით გავლენას ახდენს. Vivien გიამბობთ, რა სარგებელი აქვს ცხარე კერძს.დიეტოლოგები ირწმუნებიან, რომ წიწაკის, კოჭის, ნივრის და ნატურალური სანელებლების არ უნდა გვეშინოდეს. ყველა ეს პროდუქტი კერძს უფრო გემრიელს ხდის და ორგანიზმს ეხმარება. სპეციალისტების თქმით, ასეთი საჭმლის მიღება ღირს, მთავარია, ზომიერება დაიცვათ.
ცხარე საკვების სარგებელი: შემეცნებითი ფაქტები
- საჭმლის მონელებას აუმჯობესებს. ცხარე საკვები ბევრი კუჭის წვენის გამომუშავებას ხელს უწყობს. ეს საჭმლის ათვისებას აჩქარებს, ასევე ნივთიერებათა ცვლას აუმჯობესებს. ზომიერი რაოდენობით, მაგალითად, ცხარე აჯიკა კუჭ–ნაწლავის ტრაქტის მუშაობაზე დადებით გავლენას ახდენს და ზიანს არ აყენებს.
- განწყობას ამაღლებს. ძლიერ წიწაკიანი კერძი ეხმარება მათ, ვინც შფოთვას განიცდის. საქმე იმაშია, რომ ცხარე საკვები სეროტონინის წარმოებას სტიმულირებს. ე.წ. ბედნიერების ჰორმონი განწყობას ამაღლებს და სტრესთან გამკლავებაში გვეხმარება.
- წნევას ამცირებს. ცხარე სანელებლები გულ–სისხლძარღვთა სისტემაზე დადებით გავლენას ახდენს. ის არტერიული წნევის შემცირებაში დაგეხმარებათ. მასში შემავალი ვიტამინები სისხლძარღვებს აძლიერებს. გულის პროფილაქტიკისთვის მნიშვნელოვანია.
- ბაქტერიებს ებრძვის. კაპსაიცინი, რომელსაც ცხარე წიწაკა შეიცავს, ვირუსებს და ბაქტერიებს ანადგურებს. სოუსები, რომელშიც ასეთი პროდუქტი შედის, სურდოს დროს რეკომენდებულია. სწორედ ამიტომ, ბებია ხველის დროს ამბობს, რომ ამ საქმეში ნიორსა და წიწიკაზე უკეთესი დამხმარე არ არსებობს.
როგორც ხედავთ, ცხარე კერძების ჭამის არ უნდა გეშინოდეთ. ზოგჯერ თავი შეგიძლიათ გაანებივროთ. ცოტა ასეთი საკვები ორგანიზმს სარგებელს მოუტანს. სწორედ ამიტომ, კერძს ნატურალური სანელებელი, ცხარე წიწაკა ან ნიორი თამამად დაუმატეთ. შედეგად, არომატული და სასარგებლო კერძი გამოვა, რომელიც ჯანმრთელობას არ აზიანებს.
