გაზაფხულის დადგომასთან ერთად ბევრი ადამიანი ფიქრობს, როგორ დაიკლოს წონა ზაფხულისთვის. საქმეში ერთვება სხვადასხვა დიეტა და კვების სისტემა, რომლებიც სასურველ გახდომას გვპირდებიან. უმეტესობა მათგანში მთავარ პუნქტად გამოყოფილია, რომ 18:00 საათის შემდეგ ჭამა არ შეიძლება. თუმცა სპეციალისტები ირწმუნებიან, რომ მშიერი დაწოლა არ შეიძლება.ნაცნობმა ექიმმა მითხრა, საღამოს ჭამაზე უარის თქმამ შეიძლება სერიოზული შედეგები გამოიწვიოს. როცა დიეტის დროს ცუდ განწყობაზე დავიჩივლე, ჩემ შეცდომაზე მიმითითა. ამაზე გაფიქრებაც არ შემეძლო!
რა დაემართება ორგანიზმს, თუ მშიერი დაიძინებთ – დიეტის ინდუსტრიამ საკმაოდ კარგად იმუშავა იმისთვის, რომ ვახშმის გამოტოვება სწორად მივიჩნიოთ. ნუტრიციოლოგები ამას ძირეულად არ ეთანხმებიან. პირველ რიგში, მშიერი ორგანიზმი ღამით სრულფასოვნად ვერ ისვენებს.
ცარიელი კუჭის გავლენა ძილზე – ცდებით, თუ ფიქრობთ, რომ საღამოს ჭამაზე უარის თქმით ორგანიზმს ეხმარებით. თუ ორგანიზმმა ბოლო საკვები დაძინებამდე 4 საათით ადრე მიიღო, ამან შეიძლება უძილობა და წყვეტილი ძილი გამოიწვიოს. ცარიელი კუჭი ტვინს სიგნალს აძლევს, რომ საწვავი სჭირდება. თავის მხრივ, ტვინი მელატონინის გამოყოფას წყვეტს, ანუ ძილის ხარისხი უარესდება.ასე ღამით კარგად ვერ გამოიძინებთ, რადგან მშიერი ორგანიზმი ვერ ისვენებს, თან დილით დროზე ადრე გაღვიძების მაღალი შანსია. უბრალოდ იმისთვის, რომ რაღაც მიირთვათ.ღირს იმის თქმა, რომ მთელი დღე დაღლილი იქნებით, ხოლო სხეული ენერგეტიკულ მხარდაჭერას მოგთხოვთ. აქ, არენაზე გამოდის ტკბილი და ცხიმიანი პროდუქტები. ეს გასაკვირი არაა, რადგან ისინი ნახშირწყლების მთავარ წყაროდ ითვლება. გამოდის, რომ დაკლების ნაცვლად კიდევ უფრო მეტი შეიძლება მოიმატოთ.
რა მივირთვათ, რომ მშიერი არ დავიძინოთ – რა თქმა უნდა, სრულფასოვანი ვახშამი საუკეთესო ვარიანტია. თუ რაიმე მიზეზით ვახშამი გამოტოვეთ, მცირე წახემსებით შემოიფარგლეთ. ასე შინაგან ორგანოებს განტვირთავთ და ტვინს მთელი ორგანიზმის აღსადგენად ენერგიას მიაწოდებთ. დაიმახსოვრეთ, რომელი პროდუქტები შეგიძლიათ მიირთვათ საღამოს წასახემსებლად.
- ბოსტნეული და მწვანილი. საღამოს წასახემსებლად ბოსტნეულის სალათი აირჩიეთ. მაგალითად, კიტრის, პომიდვრის, კომბოსტოს ან მწვანილის სალათი. მოთუშული ბოსტნეული შესანიშნავი ვარიანტია. მთავარია, მარილი და საკაზმი ზომიერად გამოიყენოთ.
- ცილოვანი პროდუქტები. მოხარშული ქათმის გულმკერდი, უცხიმო თევზი, კვერცხი – ეს პროდუქტები თქვენს ფორმებს ზედმეტ კილოგრამებს არ შემატებს. ყურადღება მიაქციეთ ისეთ რძის პროდუქტებს, როგორიცაა ხაჭო, კეფირი, იოგურტი დანამატების გარეშე.
- ცხიმები. თუ თქვენი კუჭ–ნაწლავის ტრაქტი ცხიმიან საკვებს კარგად იღებს, საღამოს წასახემსებლად ავოკადოს ნაჭერი, 1 მუჭა კაკალი ან ულუფა მცენარეული რძე აირჩიეთ.
როგორც ხედავთ, ღამით შიმშილობა საჭირო არაა, რომ წონა აკონტროლოთ. გახდომის შედეგი თვალსაჩინო რომ იყოს, დიეტა მინიმუმ 7 დღე დაიცავით.
