სასაუზმოდ შვრიის ფაფის ნაცვლად შვრიის პურს ვაცხობ. ამ პურში შაქარი და ხორბლის ფქვილი არ შეგხვდებათ, სამაგიეროდ გოგრის და სელის თესლს აღმოაჩენთ. ასეთი პური სწრაფად, მარტივად და ზედმეტი ძალისხმევის გარეშე ცხვება. Vivien გიზიარებთ შვრიის პურის მომზადების დეტალურ რეცეპტს. მაღაზიაში ნაყიდი პური ნდობას არ იწვევს, ასე კი ვიცი, რას ჭამს ბავშვი.
ცომის ინგრედიენტები:
- 200 გრ შვრიის ფანტელები
- 3 ს/კ გოგრის, მზესუმზირას ან სელის თესლი
- 2 ს/კ თაფლი
- 2,5 ჩ/კ სოდა
- 3 ს/კ მცენარეული ზეთი
- მწიკვი მარილი
- 350 მლ წყალი
მომზადების წესი:
- შვრიის ფანტელები ღრმა თასში ჩაყარეთ. მზესუმზირას და გოგრის თესლი, ასევე სელის თესლი დაუმატეთ. სელის თესლი როგორც უფროსებისთვის, ასევე ბავშვებისთვის სასარგებლოა.
- შაქრის ნაცვლად თაფლი გამოიყენეთ. ძველი, ჩაშაქრული თაფლიც გამოგადგებათ. მცენარეული ზეთი დაუმატეთ და აურიეთ.
- სოდა და მარილი დაუმატეთ და კარგად აურიეთ, რომ ერთგვაროვანი მასა მიიღოთ. წყალი დაასხით. აურიეთ და ნახევარი საათით გააჩერეთ.
- ნახევარ საათში ფანტელები წყლით გაიბერება და მოცულობაში გაიზრდება.
- საცხობ ფორმას ცხიმი წაუსვით ან პერგამენტის ქაღალდი ჩააფინეთ. ცომი ჩაასხით. წინასწარ 180 გრადუსამდე გახურებულ ღუმელში 40-50 წუთით მომზადებამდე აცხვეთ. ოქროსფერი ქერქი უნდა გამოჩნდეს.
- ესეც ასე, შვრიის პური მზადაა. გემრიელად მიირთვით!
ახლა უკვე იცით, როგორ გამოაცხოთ შვრიის პური. ძალიან არომატული, გემრიელი, სასარგებლო, ოქროსფერი ქერქით გამოდის. ღუმელში ან მულტისახარშ აპარატში შეგიძლიათ გამოაცხოთ.
