NHS–ის ინფორმაციით, ჰიპოგლიკემია (სისხლში შაქრის დაბალი დონე) ძილის დროს შეიძლება მოხდეს. უნდა იცოდეთ, როგორ განსაზღვროთ სისხლში შაქრის დაბალი დონე, რადგან მკურნალობის გარეშე შეიძლება სახიფათო გახდეს.
„ამ მიზეზით შეიძლება ღამე გაგეღვიძოთ. დილით თავის ტკივილი, დაღლილობა ან სველი თეთრეული (ოფლისგან) შეიძლება გამოიწვიოს“.
ჰიპოგლიკემია დღის ნებისმიერ მონაკვეთში შეიძლება მოხდეს, მაგრამ „ზოგიერთ ადამიანს ძილის დროს აწუხებს“.ჯანდაცვის ორგანო ამბობს, რომ ამის მიზეზი შეიძლება იყოს აქტიური დღე, ძილის წინ ფიზიკური აქტივობა, ბევრი ინსულინის მიღება ან ღამით ალკოჰოლის დალევა.
„სისხლში შაქრის დაბალმა დონემ ყველა ადამიანზე განსხვავებული გავლენა შეიძლება მოახდინოს. გაიგებთ, როგორ გაგრძნობინებთ თავს, თუმცა თქვენი სიმპტომები შეიძლება დროთა განმავლობაში შეიცვალოს.“
სისხლში შაქრის დაბალი დონის ნაადრევი ნიშნებია ოფლიანობა, დაღლილობა, თავბრუსხვევა, შიმშილის გრძნობა, ტუჩების ჩხვლეტა, კანკალი, სწრაფი და ძლიერი გულისცემა, მსუბუქი გაღიზიანება, ცრემლიანობა, შფოთვა ან ახირება და განწყობის ცვლილება.ასევე შეიძლება იგრძნოთ სისუსტე, მხედველობის დაბინდვა, გონების დაბინდვა და ყურადღების კონცენტრირების სირთულე, უჩვეულო ქცევა, ბუნდოვანი მეტყველება ან მოუქნელობა, ძილიანობა, კრუნჩხვები, კოლაფსი ან გონების დაკარგვა.მაიოს კლინიკის მონაცემებით, მკურნალობა მოიცავს სისხლში შაქრის ნორმალურ დონემდე სწრაფად აწევას ან ბევრი შაქრის შემცველი პროდუქტებით ან სასმელებით ან მედიკამენტებით.
„ხანგრძლივი მკურნალობა ჰიპოგლიკემიის მიზეზების გამოვლენას და მკურნალობას მოითხოვს.“
