ფინელი ექიმები ჭვავის პურის გამაჯანსაღებელ ეფექტებზე საუბრობენ. ფინეთში ჯანდაცვის და სოციალური განვითარების ინსტიტუტის ექიმები პურის ამ სახეობას ერთ–ერთ ყველაზე სასარგებლოდ მიიჩნევენ.
„ჭვავის პურის მთავარი სარგებელი უჯრედისს უკავშირდება. ამ პროდუქტის დღეში ერთხელ მირთმევით ქალი საშუალოდ დღიური ნორმის 20% უჯრედისს მიიღებს, ხოლო კაცი – 30%–ს“ – განმარტავენ სპეციალისტები გამოცემაში Helsingin Sanomat–თან ინტერვიუში.
რა სარგებელს მიიღებთ, თუ დღეში ერთხელ ჭვავის პურს შეჭამთ? ექიმების თქმით, ჭვავის პური მასში შემავალი უჯრედისის მაღალი კონცენტრაციის წყალობით ნაწლავების ბაქტერიული მიკროფლორის სასარგებლოდ განვითარებას ხელს უწყობს. თავის მხრივ, საერთო იმუნიტეტზე დადებით გავლენას ახდენს. დამატებით, კოლორექტალური სიმსივნის პრევენციას უზრუნველყოფს.
„ჭვავის პურის რაციონში ჩართვა ცხიმების და ნახშირწყლების ცვლას ააქტიურებს, მე–2 ტიპის დიაბეტის განვითარებას აფერხებს“ – ამატებენ ექსპერტები.
სხვა ყველაფერთან ერთად, ეს პროდუქტი მთელი რიგი მიკროელემენტების წყაროა, რომლებიც ორგანიზმის სწორად ფუნქციონირებისთვის მნიშვნელოვანია. მათ შორისაა:
- B ჯგუფის ვიტამინები
- რკინა
- მაგნიუმი
- თუთია
- სპილენძი
- იოდი
ჭვავის პურის კიდევ ერთი სასარგებლო თვისება: ნაწლავებში მეტი სეროტონინის სინთეზს სტიმულირებს, რაც ძილს და განწყობას აუმჯობესებს.
