სამზარეულოს გამწოვი ჰაერის გაწმენდაში მნიშვნელოვან როლს ასრულებს. ბევრ ადამიანს ავიწყდება, რომ მასაც რეგულარულად გაწმენდა სჭირდება. თვალისგან დამალული გისოსები თანდათან დაგროვებული ცხიმით სწრაფად ივსება. მალე მასთან გამკლავება იმდენად გვიჭირს, რომ გასაწმენდად დიდი დროის და ძალის დახარჯვა გვიწევს. გამწოვის გაწმენდა ნამდვილ გამოწვევად იქცევა.ბევრი საყოფაცხოვრებო ქიმია გამოვცადე. ზოგი უკეთ მუშაობს, ზოგი საერთოდ უსარგებლოა. მეგობარმა თეთრებად ღირებული საშუალება მირჩია, რომელსაც თავად იყენებს. ეფექტმა ძლიერ გამაოცა. გისოსი ახალივით გახდა. ძალის გამოყენება პრაქტიკულად არ მომიწია, ცხიმი სასწაულებრივად მოშორდა. Vivien გიზიარებთ სასარგებლო ხრიკს, როგორ მოაშოროთ ჩამჯდარი ცხიმი სამზარეულოს გამწოვს სწრაფი და მარტივი მეთოდით.
გამწოვის გისოსების გაწმენდა ხალხური საშუალებით – ჩამჯდარ ცხიმთან ბრძოლა თამამად შეგიძლიათ დაიწყოთ, თუ ხელთ საიმედო საშუალება გაქვთ. მოსამზადებლად დაგჭირდებათ ცხელი წყალი, 0,25 ჭიქა სოდა და 1 ს/კ ჭურჭლის სარეცხი საშუალება.ყველა ინგრედიენტი თასში აურიეთ. ხსნარი კარგად უნდა აქაფდეს. თუ ხელით მორევას აპირებთ, ხელთათმანები აუცილებლად გაიკეთეთ.გისოსები ქაფიან ხსნარში ჩადეთ და 15 წუთით გააჩერეთ. ეს დრო საკმარისია, რომ ჩამჯდარი ცხიმი დარბილდეს. დარწმუნდით, რომ გისოსი სითხით ბოლომდე დაფარულია.
დროის გასვლის შემდეგ გისოსები ხსნარიდან ამოიღეთ და ჯაგრისით გახეხეთ. ჭუჭყის ნარჩენები მოაშორეთ, გამდინარე წყალში გაავლეთ. სუფთა ჩვრით ან ქაღალდის სალფეთქით გაამშრალეთ და თავის ადგილას დააბრუნეთ.თუ ეჭვობთ, რომ ეს საკმარისია, გამწოვის ელემენტები ნარევთან ერთად შეგიძლიათ ქვაბში გააცხელოთ. მაღალ ტემპერატურაზე ცხიმი გადნება და სწრაფად მოშორდება.ამავე საშუალებით თავად გამწოვი შეგიძლიათ გაწმინდოთ. საპნიან სითხეში ჩვარი ან ნეჭა დაასველეთ და ჭუჭყიანი ადგილები გაწმინდეთ. შემდეგ სუფთა წყლით გაწმინდეთ.
წარმოდგენაც არ მქონდა, რომ ხალხური მეთოდებით გამწოვის გისოსებს წებოვან ცხიმს მარტივად მოვაშორებდი. ახლა სხვა საშუალებებს არც ვიხსენებ. რა საჭიროა ზედმეტი თანხის გადახდა, თუ უფრო იაფი და მოქმედი წმენდის მეთოდი არსებობს. სხვათა შორის, საპნიანი ხსნარი სოდით შეგიძლიათ გაზქურის გასაწმენდად გამოიყენოთ.
