Vivien გიზიარებთ ახალი წიწვის მალამოს რეცეპტს, რომელიც ხელებსა და ქუსლებზე ყველა სახის ნახეთქს, ჰერპესს, ეგზემას და წყლულებს, კერძოდ, სწორ ნაწლავში კურნავს.
ფიჭვის წიწვები (ნებისმიერი კედრის, დეკორატიული) წლის ნებისმიერ დროს ქალაქიდან მოშორებით (გზიდან 1 კმ–ში) შეაგროვეთ. 300 გრ ახალი კარაქი შეიძინეთ. 0,5-1-2-3 ლიტრიანი ცეცხლგამძლე ქვაბი მოამზადეთ, მაგალითად, თუჯის ქვაბი, ოღონდ შიგნით მოკალული. ალუმინის და მინანქრის ქვაბი არ გამოიყენოთ. ქვაბის ძირში 1 სმ კარაქის ფენა მოათავსეთ, შემდეგ 1 სმ მთელი ან დაჭრილი წიწვის ფენა, ზემოდან 1 სმ კარაქი და შემდეგ – წიწვი. ასე გააგრძელეთ, სანამ კარაქი არ დამთავრდება. ბოლო ფენა კარაქი უნდა იყოს. თავსახური დაახურეთ და უმარილო ცომი (ფქვილი წყალზე) გადააფარეთ. ღუმელში საშუალო ტემპერატურაზე 24 საათით აცხვეთ, ყოველ 2 საათში შესვენებებით, ანუ 2 საათი ღუმელში ჩართულია, შემდეგ 2 საათი – გამორთული და ასე მთელი დღე. შემდეგ ქვაბი ღუმელიდან გამოიღეთ, დამწვარი ცომი და წიწვი (გაშავდება და ასეც უნდა იყოს) მოაშორეთ. ზეთი ქილაში გადაწურეთ და გააგრილეთ. ჭაობისფერი გახდება. გაგრილებისას ქვასავით გამაგრდება.
გამოყენების წესი – ღამით გამოიყენეთ. ბუასილის დროს 1 სმ³ მალამო პირდაპირ სწორ ნაწლავში წაისვით. მიშვებული დაავადების შემთხვევაში დიდხანს გამოიყენეთ, შეგიძლიათ შესვენებებით გამოიყენოთ – 1 თვე იმკურნალეთ, 1 კვირა შეისვენეთ და კვლავ გაიმეორეთ. დღეში 2–ჯერ წაისვით. ნახეთქებსა და წყლულებზე დღეში რამდენჯერმე წაისვით. მალამოს უკუჩვენებები არ აქვს და ზიანს არ იწვევს.
