თუ თავის მოძრაობისას ხრაშუნს გრძნობთ, 90 გრადუსით თავის მობრუნება გიჭირთ ან დახრისას ტკივილი ჩნდება, გამოდის კისერს მკურნალობა სჭირდება. Vivien ეფექტურ ვარჯიშებს გთავაზობთ. ნელა შეასრულეთ.
- სკამზე დაჯექით, ზურგი და თავი გამართული. ღრმად ჩაისუნთქეთ და ხელისგულებით შუბლს დააწექით, ამავდროულად, კისრის კუნთები დაჭიმეთ და თავის უკან გადაწევას შეეწინააღმდეგეთ. სუნთქვა შეიკავეთ და 5-7 წამით ეს დაჭიმულობა შეინარჩუნეთ. ამოსუნთქვაზე ხელისგულები შუბლს მოაშორეთ და 10 წამით სრულად მოდუნდით, თავი მკერდისკენ დახარეთ. 3-5-ჯერ გაიმეორეთ.
- ჩაისუნთქეთ, გადაჯვარედინებული ხელები კეფაზე დაიდეთ. კისერი დაჭიმეთ და თავს დაწევის უფლება არ მისცეთ. სუნთქვა შეიკავეთ და ამ პოზაში 5-7 წამით გაჩერდით. ამოსუნთქვაზე ხელები დაუშვით და 10 წამით მოდუნდით. 3-5-ჯერ გაიმეორეთ.
- ჩაისუნთქეთ, მარცხენა ხელისგული საფეთქელს დაადეთ, 5-7 წამით ზეწოლის შეწინააღმდეგება სცადეთ. ამოისუნთქეთ, კისრის და მხრების კუნთები მაქსიმალურად მოადუნეთ, 10 წამით შეისვენეთ. იგივე მარჯვენა ხელით გააკეთეთ. ვარჯიში თითოეული ხელით 3-5-ჯერ გაიმეორეთ.
- ამდენივეჯერ თავი წინ და უკან დახარეთ. ჩასუნთქვაზე თავი უკან გადაწიეთ, კისერზე შემოხვეული ხელისგულების წინააღმდეგობა გადალახეთ, თვალები ზემოთ ასწიეთ. სუნთქვა შეიკავეთ და კისრის დაჭიმულობა 5-7 წამით შეინარჩუნეთ. ამოსუნთქვაზე თავი საწყის პოზაში დააბრუნეთ. 10 წამით მოდუნდით.
- წინ დახრისას ხელისგულები კისერს აწვება, თანდათან ზეწოლას ემორჩილება. ჩასუნთქვაზე თავი მკერდს მიადეთ. ნიკაპი კისერს მიადეთ, ხედვა ქვემოთ. პოზა 5-7 წამით შეინარჩუნეთ. ამოისუნთქეთ და საწყის პოზიციას დაუბრუნდით და მოდუნდით.
- ჩასუნთქვაზე თავი მარცხნივ მიაბრუნეთ, კისრის კუნთები დაჭიმეთ და რაც შეიძლება შორს გაიხედეთ. სუნთქვა შეიკავეთ და 5-7 წამით დაჭიმულობა შეინარჩუნეთ. ამოსუნთქვაზე თავი საწყის პოზაში დააბრუნეთ და 10 წამით მოდუნდით. ვარჯიში თითოეულ მხარეს 3-5-ჯერ შეასრულეთ.
ვარჯიშების რეგულარული შესრულება კისრის ტკივილს აქრობს, უძილობას, თავბრუსხვევას და თავის ტკივილს, ასევე ყურებში შუილს და ხელების დაბუჟებას მოგაშორებთ.
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
