Vivien გიზიარებთ ხალხურ მეთოდს ფილტვებიდან სითხის გამოსადევნად მკითხველის პირადი გამოცდილების საფუძველზე:„დიდი ხანია მინდოდა მომეწერა, თუ როგორ მოვიშორე სითხე ფილტვებში და პლევრიტი. გულზე ოპერაციის შემდეგ სანატორიუმში სარეაბილიტაციოდ გამიშვეს. წარმოიდგინეთ: ცოცხალი ვარ, ყველაფერი უარესი უკან მოვიტოვე! სიხარული დაჩრდილა იმან, რომ პირველივე კვირას შეტევა დამეწყო: მწვავე ტკივილები მკერდში, გადაბრუნებაც მიჭირდა. მალე საავადმყოფოში გადამიყვანეს. აღმოჩნდა, რომ ფილტვებში სითხე დაგროვდა. ამოტუბეს, მაგრამ შეტევები კიდევ ორჯერ მქონდა. შემდეგ კვლავ სანატორიუმში დავბრუნდი. აქ ყოფნა დასასრულს უახლოვდებოდა და მეშინოდა: რას გავაკეთებდი სახლში? საბედნიეროდ, ქრონიკული დაავადებების არასპეციფიკური მკურნალობის შესახებ წიგნი მაჩუქეს. ასე მკერდის ცხელი შეფუთვის რეცეპტი ვიპოვე.
როგორ ვაკეთებდი? ყოველ საღამოს, ძილის წინ საწოლზე თხელ ბაიკის საბანს ვაფარებდი. წყალს 60-65 გრადუსამდე ვაცხელებდი, მასში რამდენიმე წუთით აბანოს პირსახოცს ვალბობდი. ხელზე რეზინის ხელთათმანს ვიკეთებდი, რომ არ დამეწვა. შემდეგ პირსახოცს მკერდზე სწრაფად ვიდებდი, ვანჟღრევდი, ცოტა ვაგრილებდი და გულმკერდს იღლიამდე ვიხვევდი. ზემოდან მშრალ პირსახოცს ვიფარებდი და სწრაფად ვწვებოდი. კიდევ ერთხელ ბაიკის საბანში ვეხვეოდი და ნიკაპმდე სითბოში გახვეული ვიყავი. ასე 20 წუთით (ზოგჯერ უფრო დიდხანს) ვჩერდებოდი. პროცედურის შემდეგ მშრალ თეთრეულს ვიცვამდი და 1 საათი ვისვენებდი. სველ პირსახოცს წყალს ვავლებდი. რამდენიმე პროცედურის შემდეგ საპნით უნდა გარეცხოთ.
ცხელი შეფუთვა ნახველის გამოდევნას ხელს უწყობს, ფილტვების კაპილარებში სისხლის მიმოქცევას ააქტიურებს, ცხვირით სუნთქვას არეგულირებს. ამით პნევმონიას, ბრონქიტს, თავის ტკივილსაც მკურნალობენ. პროცედურა 2 კვირა ჩავიტარე. მას შემდეგ ერთი შეტევაც არ მქონია და სურდოს არ შევუწუხებივარ. ცხელი შეფუთვა დიდხანს შეგიძლიათ გამოიყენოთ, რამდენიმე კვირიდან რამდენიმე თვემდე. ნებისმიერი ასაკის პაციენტს შეუძლია გამოიყენოს, თუმცა უკუჩვენებებიც აქვს: ახლახანს გადატანილი მიოკარდიუმის ინფარქტი, შიდაქალის მაღალი წნევა და ონკოლოგიური დაავადებები“ – გვიზიარებს მკითხველი.
