ჩვეულებრივ, წითელი მოცხარი ივნისის ბოლოს მწიფდება. ბაღის კენკრა თირკმლებში კენჭების წინააღმდეგ შესანიშნავი საშუალებაა. Vivien გიზიარებთ წითელი მოცხარის ხალხურ რეცეპტს.წითელი მოცხარი ლიტრიან ქილაში ჩაყარეთ ისე, რომ ნახევრამდე გაავსოთ. ხის კოვზით დაჭყლიტეთ, 1 ს/კ შაქარი დაუმატეთ და ბოლომდე ცივი, ანადუღარი წყალი დაასხით. თბილ ადგილას დუღილისთვის გააჩერეთ. მეორე დღეს დუღილის პროცესი დაიწყება. როგორც კი, ბუშტები გაჩნდება, კენკრა გადაყარეთ, სასმელი გადაასხით – ესეც ასე, გამოსაყენებლად მზადაა. განმეორებითი მომზადების შემთხვევაში ქილას წყალი არ გაავლოთ – ასე დუღილის პროცესი უფრო სწრაფად დაიწყება. დღეში 3-ჯერ დალიეთ: დილით უზმოზე, სადილზე – ჭამამდე 30 წუთით ადრე, საღამოს – ძილის წინ. დღის განმავლობაში მთელი ნაყენი უნდა დალიოთ, სამ თანაბარ ნაწილად გაყავით. ყოველდღე შეუსვენებლად დალიეთ, რომ ორგანიზმში დაგროვდეს სამკურნალო ნივთიერებები, რომლებიც თირკმლიდან კენჭების გამოსადევნად აუცილებელია. ერთი კურსისთვის დაახლოებით 8-10 კგ წითელი მოცხარი დაგჭირდებათ. ამბობენ, რომ 10 დღიანი კურსი კენჭების გასაქრობად საკმარისია.