Vivien გთავაზობთ ხალხურ რეცეპტს იმუნიტეტის გასაძლიერებლად. ლიმონის კრემის მოსამზადებლად სულ რაღაც 4 ინგრედიენტი დაგჭირდებათ, რომელთაც სამზარეულოში მარტივად იპოვით.
ინგრედიენტები:
- 4 ლიმონი
- 4 კვერცხი
- 200 გრ შაქარი
- 40 გრ კარაქი
მომზადების წესი:
- ორი ლიმონის ცედრა გახეხეთ, შაქრის ფხვნილს აურიეთ. 4 ლიმონის წვენი გაწურეთ და მასას დაუმატეთ, აურიეთ. 4 კვერცხი ჩანგლით ათქვიფეთ (ქაფის გარეშე) და მასას დაუმატეთ. ნახევარი საათით გააჩერეთ.
- გადაწურეთ. ქვაბში გადაასხით, კარაქი დაუმატეთ და საშუალო ცეცხლზე გასქელებამდე ხარშეთ, მუდმივად აურიეთ (3-5 წუთი). ქილებში ან ფორმებში ჩაასხით. გააგრილეთ და მაცივარში შეინახეთ.
ნარევის სარგებელი
ლიმონის ცედრა 3–ჯერ მეტ იმუნოსტიმულატორ C ვიტამინს შეიცავს, ვიდრე რბილობი. ეს ანტიოქსიდანტი სურდოს ებრძვის, ასევე კაპილარების მდგომარეობას აუმჯობესებს, რომელიც ტემპერატურის ვარდნისას პირველი იტანჯება. C ვიტამინის დღიური ნორმა კაცებისთვის – 90 მგ, ხოლო ქალებისთვის – 75 მგ. 100 გრ ლიმონი 50 მგ C ვიტამინს შეიცავს. დამატებით, ლიმონი ღვიძლის მუშაობას ააქტიურებს და საშარდე გზებში ანტისეპტიკის როლს ასრულებს – ცისტიტისკენ მიდრეკილების დროს პათოგენებს ანადგურებს.
2 კვერცხი ქოლინის დღიური ნორმაა (250 მკგ), რომელიც ინფორმაციის დამახსოვრებას აუმჯობესებს, ასევე ღვიძლს იცავს. კარაქში ბევრი A ვიტამინია, რომელიც მხედველობას აძლიერებს, კანის აქერცვლას ებრძვის და სიცივეში კანის გამოშრობას ხელს უშლის.
