Vivien გთავაზობთ 6 ხალხურ რეცეპტებს სასიცოცხლო ძალების აღსადგენად და იმუნიტეტის გასაძლიერებლად.
- ემალის ქვაბში ჩაყარეთ შემდეგი ინგრედიენტები: 3 გარგარის ჩირი, 5 შავქლიავი, 3 ლეღვი, 1 ს/კ ქიშმიში, 2 ვაშლი, 2 ლიმონის ნაჭერი. წყლით დაფარეთ და 5-10 წუთით სუსტ ცეცხლზე ადუღეთ. საუზმეზე მიირთვით.
- ხორბალი, შვრია, ქერი თანაბარი რაოდენობით აიღეთ და აურიეთ. მარცვლეული ყავის საფქვავში დაფქვით, თბილი წყალი (1 ჭიქა 1 ს/კ ფქვილზე) დაასხით. 2 საათით დააყენეთ, გადაწურეთ და თაფლთან ერთად დალიეთ. ანემიის და სისუსტის დროს დალიეთ.
- 1 ლიმონი ცხელ წყალში 1-2 წუთით ჩადეთ, ხორცსაკეპ მანქანაში გაატარეთ ან სახეხზე ქერქიანად და კურკებიანად გახეხეთ. უმარილო კარაქი, 1–2 ს/კ თაფლი დაუმატეთ და კარგად აურიეთ. ჩაისთან ერთად დალიეთ.
- შვრიის მარცვლებს მდუღარე წყალი დაასხით (1 ჩ/კ შვრიას 3 ჩ/კ წყალი). 1 დღე ოთახის ტემპერატურაზე დააყენეთ და გადაწურეთ. ნაყენი მაცივარში შეინახეთ. ¼ ჭიქა თბილი სასმელი დღეში 3-4-ჯერ, ჭამის წინ დალიეთ.
- 150 გრ გახეხილი ვაშლი და ნახევარი ფორთოხლის წვენი აურიეთ, 10 გასუფთავებული ნიგოზი ან სხვა კაკალი დაუმატეთ. კაკლის ნაცვლად შეგიძლიათ რამდენიმე კოვზი ათქვეფილი ნაღები გამოიყენოთ, ხოლო ფორთოხლის ნაცვლად – 2 ჩ/კ ლიმონის წვენი და ამდენივე თაფლი. ეს ერთი ადამიანის დღიური ულუფაა. თავის ტვინს კვებავს.
- 1 ჭიქა შვრია და 5 ჭიქა წყალი თხელი კისელის მიღებამდე ხარშეთ. გადაწურეთ, თანაბარი რაოდენობით ანადუღარი რძე დაუმატეთ (ან ნედლ რძეში აადუღეთ), გააგრილეთ. მასას 4-5 ს/კ თაფლი დაუმატეთ. 1/4-1/2 ჭიქა ნახარში დღეში 3-4-ჯერ დალიეთ.
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
