ზოგჯერ რაღაც გრანდიოზულის მომზადების განწყობა გვაქვს. მაგალითად, რაიმე მრავალფენიანი ტორტი გემრიელი კრემით და ხილის შიგთავსით. ზოგჯერ, გაზქურასთან დიდხანს დგომის ძალა და სურვილი არ გვაქვს. დიასახლისები გამიგებენ! ასეთ მომენტში სწრაფი კერძი დაგეხმარებათ და ერთ–ერთ მათგანს ახლა გიზიარებთ. Vivien გთავაზობთ შვრიის ორცხობილას ცნობილი მსახიობის, ნატალი ანტონოვას რეცეპტით!
მარტივი შვრიის ორცხობილა – ამ მარტივი ტკბილეულის ბევრი რეცეპტი არსებობს. ვფიქრობ, რომ თითოეულ დიასახლისს მომზადების თავისი საფირმო მეთოდი აქვს, მაგრამ სრულყოფილებას საზღვარი არ აქვს! პირადად, ერთი და იმავე კერძის სხვადასხვა ვარიანტების მომზადება ძალიან მიყვარს. ასე ხშირად რაღაც ახალს და უჩვეულოს აღმოვაჩენ. შესაძლოა, დღევანდელი ორცხობილას რეცეპტით თქვენც ასეთი შედეგი მიიღოთ.
ინგრედიენტები:
- 2 კვერცხი
- 50 გრ კარაქი
- 2 ს/კ არაჟანი
- 100 გრ შაქარი
- 15 გრ თაფლი
- 200 გრ შვრიის ფანტელები
- 100 გრ ხორბლის ფქვილი
- 0,5 ჩ/კ გამაფხვიერებელი
მომზადების წესი:
- დესერტი ძალიან სწრაფად მზადდება. პირველ რიგში, შვრიის ფანტელები ყავის საფქვავით ან ბლენდერით დააქუცმაცეთ. ამის შემდეგ მშრალი ინგრედიენტები აურიეთ.
- კვერცხი ფაფუკი ქაფის მიღებამდე ათქვიფეთ, გამდნარი კარაქი, არაჟანი, შაქარი და თაფლი დაუმატეთ. ახლა კვერცხის მასას მშრალი ინგრედიენტები დაუმატეთ და ცომი მოზილეთ. საკვებ პარკში გაახვიეთ და მაცივარში მინიმუმ 10 წუთით გააჩერეთ.
- მზა ცივი ცომიდან ერთნაირი ზომის ბურთები გააკეთეთ. დამატებით ფქვილში ამოავლეთ, ოდნავ გააბრტყელეთ და პერგამენტ დაფარებულ საცხობ ფორმაზე დააწყვეთ. ბურთები ისე დააწყვეთ, რომ მათ შორის ცოტა ადგილი დარჩეს.
- მარტივი შვრიის ორცხობილა 180 გრადუსამდე გახურებულ ღუმელში 10-15 წუთით აცხვეთ. თქვენი ღუმელით და ორცხობილის გარეგნობით იხელმძღვანელეთ: ოდნავ ოქროსფერი უნდა იყოს. აქ, მთავარია, ზედმეტად არ გამოაშროთ.
რედაქციის რჩევა: როგორც ხედავთ, რეცეპტი ნამდვილად ძალიან მარტივია. ასეთი შვრიის ორცხობილა მარაგად შეგიძლიათ მოამზადოთ. მაგალითად, ცომი წინასწარ გააკეთეთ და რამდენიმე დღე მაცივარში ან ცომი საყინულეში შეინახეთ. ასე შენახვის ვადა გაიზრდება.ჩემთვის შვრიის ორცხობილა ბავშვობის დესერტია. როგორ არ აცხობენ მას ჩვენი ბებიები და დედები. შვრიის ორცხობილა იმითაც მომწონს, რომ მასში სხვა უჩვეულო ინგრედიენტების დამატება შეიძლება. მაგალითად, შემოდგომაზე გოგრის გამოყენება აქტუალურია. ცომში პიურეს სახით დაუმატეთ. ტკბილეული ჰაეროვანი და ნაზი გამოვა.
