როგორ მოვხარშოთ მანანის ფაფა კოშტების გარეშე? ისე, რომ ოჯახის წევრები დამატებას გთხოვდნენ, მეზობლები რვეულით მოდიოდნენ და რეცეპტს იწერდნენ. მანანის ფაფა შეიძლება გიყვარდეთ ან გძულდეთ, მაგრამ მის მიმართ გულგრილი ნამდვილად ვერ დარჩებით.მანანის ფაფა შეიძლება იყოს განსხვავებული. არომატული და ტკბილი ან ცივი და საშინელი. ზოგი პატარა საყვარელი დედის მიერ მომზადებულ მანანის ფაფას ჭამის შემდეგ თეფშს ლოკავდა. ზოგიც საზიზღარ მანანის ფაფას საბავშვო ბაღში მაგიდაზე ღვრიდა. ეს ფაფა იმდენად პოპულარულია, რომ ნამდვილი ოდა ეკუთვნის.

როგორ მოვხარშოთ მანანის ფაფა კოშტების გარეშე

ჩვენი მკითხველი, ანა აღიარებს: „საბავშვო ბაღში მანანის ფაფა მძულდა. ყოველთვის ცივი და კოშტებით იყო. მიკვირდა, როგორ მიირთმევდნენ ამ კერძს. ერთხელაც საყვარელი დედის ხელმძღვანელობით მანანის ფაფა პირველად გავაკეთე და ჰოი, საოცრებავ. ახლა შვილებს ხშირად ვუმზადებ და ყველას მოსწონს“.

სხვა მკითხველი, სვეტლანა ამბობს, რომ ახლახანს საავადმყოფოში აღმოჩნდა და ელოდება, როდის შეძლებს ცოტა მანანის ფაფის ჭამს. „წარმოდგენა არ გაქვთ, როგორ ველოდები დღეს, როცა ცოტა მანანის ფაფის ჭამას შევძლებ. ბავშვობიდან ჩემი საყვარელი კერძია. უცნაურია, მაგრამ უგემური ფაფა არასდროს შემხვედრია“.

გემრიელობის მარტივი რეცეპტი – არომატული მანანის ფაფის მომზადება მარტივია. ყველაზე მნიშვნელოვანია, არ შეგეშინდეთ. ბევრი რძეს ვერ უმკლავდება, ხან იღვრება, ხან იწვება. მოთმინება მოიკრიფეთ, რადგან პირველი ბლინი ყოველთვის კოშტებითაა. პირველი თეფში მანანის ფაფაც შეიძლება წარმატებული არ გამოვიდეს, მაგრამ ამ რეცეპტით შეუდარებელ კერძს მიიღებთ.

ინგრედიენტები:

• 500 მლ რძე
• 3 ს/კ მანანის ბურღული
• მარილი
• შაქარი

მომზადების წესი:

1. რძე შეათბეთ და ყურადღება მიაქციეთ, რომ არ გადმოგეღვაროთ. უფრო მეტიც, დიდხანს არ გააჩეროთ, რადგან მანანის ფაფა ასე ძალიან უხეში გამოვა. რძეს მარილი, შაქარი დაუმატეთ და აურიეთ.
2. როგორც კი, რძის ზედაპირზე ბუშტები გაჩნდება, მანანის ბურღულის დამატება დაიწყეთ. ნაწილ–ნაწილ დაუმატეთ და ცხელ რძეს ენერგიულად აურიეთ. ასე კოშტების გაჩენას თავიდან აიცილებთ.
3. ფაფის სისქის დარეგულირება ძალიან მარტივია. რაც უფრო დიდხანს გააჩერებთ ცეცხლზე და აურევთ, მით უფრო სქელი გამოვა. პირველი რამდენიმე წუთი ინტენსიურად აურიეთ და გაზქურა გამორთეთ.
4. თუ ფაფა ძალიან თხელია, არ ინერვიულოთ. ცხელ კონფორს მოაშორეთ და ქვაბს თავსახური დაახურეთ. რამდენიმე წუთში ოდნავ გასქელდება.
5. მზა კერძს კარაქის ნაფშვენი, მურაბა, თაფლი, ხილი დაუმატეთ. ყველაფერი, რაც თქვენ და თქვენს ოჯახის წევრებს მოსწონს. მანანის ფაფა გემრიელად მიირთვით!

კიდევ ერთმა მკითხველმა, ნინამ საოცარი ისტორია გაგვიზიარა. „ჩემი კატა მანანის ფაფაზე გავზარდე. კნუტი სანაგვე ყუთის გვერდით ვიპოვე, მაგრამ რა უნდა მექნა, სპეციალური საჭმლისთვის ფული არ მქონდა. ჩვეულებრივი რძე პიპეტით მივაწოდე და კნუტმა მისი ჭამა დაიწყო. ოღონდ შემდეგ პიპეტს ვერ გადაეჩვია. ერთხელ მეუღლეს მანანის ფაფა მოვუმზადე და ცოტა კატასაც დავუდე. გემრიელად შესანსლა.აი, რას აკეთებს სიცოცხლის მომნიჭებელი მანანის ფაფა. ყველაზე პრეტენზიული და მავნე არსებასაც თავს აყვარებს. წლების შემდეგ თავს გახსენებთ და დედის და ბებიის მზრუნველ ხელებს გაგონებთ, რომლებიც არომატულ კერძს ღიმილით გიწოდებდნენ. ახლა იცით, როგორ მოხარშოთ მანანის ფაფა კოშტების გარეშე.