ჰოსტას გაზრდა მარტივი საქმეა. მას „ზარმაცების მცენარეს“ ტყუილად ხომ არ უწოდებენ. მთავარია, დარგვის ადგილი სწორად შეარჩიოთ. კერძოდ, ყვავილს დაჩრდილული და ტენიანი გარემო უყვარს. ასე ყვავილი განსაკუთრებული მოვლის გარეშეც თავს კარგად გრძნობს.ჰოსტა სახლთან ახლოს პატარა ბაღს შესანიშნავად გაალამაზებს, ყვავილის ან ღობის სახით. ყვავილი უპრეტენზიოა, მაგრამ მისი დარგვის და მოვლის წესები უნდა იცოდეთ. Vivien გასწავლით, როგორ გაზარდოთ ჩრდილის მოყვარე ბაღის დედოფალი და თავი აარიდოთ მთავარ შეცდომებს.
მთავარი შეცდომები ჰოსტის გაზრდისას
მზის მოყვარე ყვავილის გვერდით დარგვა: ჰოსტა სხვა ყვავილებთან ერთად დარგვისას მიმზიდველობას არ კარგავს. მცენარეს ჩრდილი უყვარს, ამიტომ მის გვერდით სინათლის მოყვარე მცენარის დარგვა უხერხულია. სჯობს ჰოსტა დარგოთ გვიმრის, ასტილბას, ციმბირის ზამბახის, ყვითელი შროშანის და იორდასალამის გვერდით.
ზომიერი მორწყვა: ჰოსტა არ დარგოთ იმ მცენარეებთან, რომელსაც მხოლოდ ზომიერი მორწყვა სჭირდება. ასეთი მეზობლობით თქვენი მწვანე ცხოველი დაზარალდება. წყალი, რომელიც ჰოსტას ასე ძალიან სჭირდება, წვერიან ზამბახს საერთოდ არ სჭირდება.
ალპურ მთებში დარგვა: ქვებს შორის დარგულს ჰოსტას ზამთარში ძალიან შეცივდება, ხოლო ზაფხულში დაცხება. თუ ლანდშაფტის დიზაინის ელემენტების გამოყენება გსურთ, მცენარე კაჭარის გვერდით დარგეთ.
სახლის სამხრეთ მხარეს ბილიკის გასწვრივ დარგვა: ისე ნაზ მცენარეს, როგორიცაა ჰოსტა, სახლის ჩრდილოეთ მხარეს დარგვა სჭირდება, სადაც მზე პრაქტიკულად არაა. სამხრეთ მხარეს მისი ფოთლები მიმზიდველობას და უჩვეულო შეფერილობას კარგავს.
წესების დაუცველობა: როგორ გავზარდოთ ჰოსტა: ღრმა ორმო ამოთხარეთ, ცოტა სასუქი დაუმატეთ და ბალახის ფესვები შეარჩიეთ. წესები დაიცავით და თქვენს მცენარეს რამდენიმე წლის განმავლობაში მორწყვის გარდა სხვა არაფერი დასჭირდება.
ლოქორასგან დაუცველობა: ზოგჯერ, მოყვარული მებაღე ლოქორას პრობლემას ყურადღებას არ აქცევს. არადა, მას ჰოსტის ახალი ფოთლების ჭამა ძალიან უყვარს! ამისგან მულჩირება დაგიცავთ. მულჩის სახით ფიჭვის ხის ქერქი და ნახერხი, ასევე ხის ნაცარი შეგიძლიათ გამოიყენოთ.
საოცარი მცენარე ადრე შეუხედავ, დაჩრდილულ ადგილს, სადაც მზე იშვიათი სტუმარია, გაალამაზებს. ცოტა ძალისხმევა და ჰოსტა თქვენი ნაკვეთის ნამდვილი ხიბლი გახდება, რომელიც გვიან შემოდგომამდე თავისი სილამაზით გაგახარებთ.
