დღეს Vivien გასწავლით, რით გამოკვებოთ სტაფილო წელს ბოლოჯერ. პროცედურა აგვისტოში ჩაატარეთ და უხვ მოსავალს მიიღებთ.
ბევრი ოცნებობს, რომ სტაფილოს უხვი მოსავალი აიღოს, რომ ის მსხვილი, თანაბარი და გლუვი გაიზარდოს. ეს დიდწილად თქვენზეა დამოკიდებული. როგორც იზრუნებთ, ისეთი გაიზრდება. სეზონზე სტაფილო 3–ჯერ უნდა გამოკვებოთ. მესამე გამოკვება აგვისტოს მეორე ნახევარში უწევს.
ასეთი გამოკვების წყალობით სტაფილო წონაში მოიმატებს, მისი გემოს ხარისხი გაუმჯობესდება და შენახვის ვადა გაიზრდება. სასუქის მოსამზადებლად დაგჭირდებათ შემდეგი ინგრედიენტები:
- 1 ს/კ კალიუმის მონოფოსფატი
- 1 ჩ/კ ბორის მჟავა
- 1 ჩ/კ ჩვეულებრივი მარილი
- 10 ლ წყალი, რომელშიც ყველა ინგრედიენტი უნდა აურიოთ
ბორის მჟავა თბილ წყალში წინასწარ გახსენით. ამის შემდეგ ყველა ინგრედიენტი კარგად აურიეთ და ნარევი სარწყავში ჩაასხით. სტაფილო ფოჩებზე წვიმასავით დანამეთ. რას მოგცემთ? K და P თავად ძირნაყოფს გააძლიერებს, მის შენახვას გააუმჯობესებს. ზომაზეც გავლენას მოახდენს, ზრდას გააქტიურებს. ბორის მჟავა ნაყოფში შაქრის რაოდენობას ზრდის, მარილი ყველა ინგრედიენტის მოქმედებას აძლიერებს.
სწორედ ამიტომ, სჯობს მარილი ზედმეტი არ მოგივიდეთ. 1 ჩაის კოვზი საკმარისია. ასეთი მარტივი პროცედურა სტაფილოს უხვი მოსავლის მიღებაში დაგეხმარებათ. დროა, გამოიყენოთ.
