ქალი წლის ნებისმიერ დროს შეუდარებელი უნდა იყოს, ინტერნეტ სივრცე კი სასწაულმოქმედი რეცეპტებით, ჯადოსნური ელექსირებით, გასახდომი დიეტებით არის სავსე.
ბედნიერების დევნაში სასოწარკვეთილი ქალები მზად არიან ექსპერიმენტებისთვის და ყველაფერს ცდიან, რომ სასურველ შედეგს სწრაფად მიაღწიონ.
თუმცა უნდა გახსოვდეთ, რომ ყველაფერს გონებით უნდა მიუდგეთ, განსაკუთრებით მაშინ თუ ეს ჯანმრთელობას ეხება.
დღეს ერთი მარტივი ჭეშმარიტება, ნომერ პირველი წესი მინდა შეგახსენოთ. სწორი და რაციონალური გახდომის მთავარი შემადგენელია – აუცილებელი რაოდენობის წყლის მიღება.
ზრდასრულმა ადამიანმა დღეში 1,5-დან 2 ლიტრამდე სითხე უნდა მიიღოს. (უმჯობესია დაიცვათ პროპორცია 30 მლ წონის 1 კგ-ზე). ამასთან აღსანიშნავია, რომ პირველ 1,5 ლ 16:00 საათამდე უნდა დალიოთ.
დღეს გთავაზობთ სუპერ სასმელის რეცეპტს, რომელიც ჩვეულებრივ წყალზე არის დაფუძნებული და სხეულის ფორმების მოდელირებაში, ორგანიზმიდან ტოქსინების გამოდევნაში და კუჭ-ნაწლავის ტრაქტის ნორმალიზაციაში დაგეხმარებათ.
წყალი „სასი“ ორგანიზმის გასაწმენდად
თავისი სახელი ამ ვიტამინების სასმელმა ამერიკელი სინტი სასისგან მიიღო, რომელმაც ამ სასწაული ელექსირის რეცეპტი მოიგონა. ეს გამამხნევებელი კოქტეილი დიდი პოპულარულობით სარგებლობს, რადგან მისი მიღების შემდეგ შესამჩნევ შედეგს ამჩნევენ.
ინგრედიენტები
- 2 ლ სუფთა წყალი (გაფილტრული, სასმელი ბოთლის)
- 1 ს/კ გასუფთავებული და გახეხილი კოჭის ფესვები
- 1 კიტრი
- 10-12 პიტნის ფოთოლი
- 1 საშუალო ზომის ლიმონი
მომზადება
- კიტრი და ლიმონი თხელ რგოლებად დაჭერით, კოჭის ფესვები გაასუფთავეთ და გახეხეთ ფაფისებრი მასის მიღებამდე. ყველა ინგრედიენტი აურიეთ და საჭირო რაოდენობის წყალი დაასხით.
2. პიტნის ფოთლები წინასწარ მოამზადეთ.
3. მიღებული სასმელი მაცივრის ქვედა თაროზე 10-12 საათით შედგით (იდეალური ვარიანტი – კოქტეილი საღამოს მოამზადეთ და მთელი ღამე დატოვეთ).
4. სურვილის შემთხვევაში წყალი შეგიძლიათ გაწუროთ. დილით უზმოზე 1 ჭიქა წყალი სასი უნდა დალიოთ, დანარჩენი ცოტ-ცოტა მთელი დღის განმავლობაში.
ძალიან მნიშვნელოვანია: სითბოში სასმელის შენახვა არ შეიძლება – ის ყველა სასარგებლო თვისებას კარგავს.
ყველა, ვინც სასმელი გასინჯა, აღნიშნავს რომ ის წყურვილს შესანიშნავად კლავს, გამამხნევებელი და მატონიზირებელი ეფექტი აქვს. მრავალფეროვნებისთვის წყალ სასს არა მხოლოდ ლიმონი, არამედ მანდარინი ან ფორთოხალი შეგიძლიათ დაუმატოთ, ასევე შალფეის ფოთლები.
ამასთან, სასმელის მიღება რეკომენდებულია დიეტის დაწყებამდე 4 დღით ადრე – ის ორგანიზმის სტიმულირებას შესანიშნავად ახდენს, მეტაბოლიზმს აჩქარებს, რაც გახდომის პროცესს აჩქარებს.
წყალი სასის დალევა რეკომენდებული არაა მათთვის, ვისაც აქვს ალერგია ან უკუჩვენებულია კოქტეილის რომელიმე ინგრედიენტი. ასევე მისი მიღება უნდა შეზღუდონ მათ, ვისაც თირკმლის უკმარისობა ან მწვავე კუჭ-ნაწლავის ტრაქტის დაავადება აწუხებთ. მკურნალ ექიმთან კონსულტანციის გავლა არ დაგავიწყდეთ!
ამ შესანიშნავი სასმელის მომზადება უკვე დღეს სცადეთ! ამ გემრიელი და სასარგებლო კოქტეილის რეცეპტი თქვენს მეგობრებს გაუზიარეთ. ისინი ამ ნამდვილად მოქმედი რეცეპტის გაზიარებისთვის მადლობას გეტყვიან.
