ტყეში ცხოვრება წარმოუდგენელი გრძნობაა! ამ 6 წლის განმავლობაში, რაც ქალაქიდან სოფელში გადავედით, იმდენი აღმოჩენა გავაკეთეთ და შევისწავლეთ, რამდენსაც ქალაქში ვერ ვიზამდით. ერთ–ერთი ასეთია ახალგაზრდა წიწვები, რომელსაც გაზაფხულზე დიდი რაოდენობით ვამზადებთ, ვყინავთ კიდეც.
Vivien გიზიარებთ იდეებს, როგორ გამოიყენოთ ნაძვის ხის და ფიჭვის წიწვები, ასევე ფიჭვის სანთლები და გირჩები.
წიწვების გამოყენების ყველაზე მარტივი მეთოდი: საბავშვო კოქტეილი „იოლკი პალკი“. მარტივად მზადდება, არაფრის მოხარშვა საჭირო არაა. უბრალოდ ნაძვის ნაზი წიწვები, რამდენიმე ფიჭვის და კედრის სანთელი (კვირტი), ლიმონი, პიტნა და თაფლი ერთად დააბლენდერეთ. ლიმონი შეგიძლიათ მჟაველით ჩაანაცვლოთ.
ესეც ასე, კოქტეილი მზადაა! სურვილის შემთხვევაში გადაწურეთ, თუმცა შეგიძლიათ რბილობიანად მიირთვათ. გემრიელია!
ახალგაზრდა წიწვი შეგიძლიათ მოხარშოთ და ათქვეფილი ჯემი მოამზადოთ. ნაძვის ან ფიჭვის ახალგაზრდა წიწვები (მათ მჟავე გემო აქვთ და შეგიძლიათ დაღეჭოთ) აიღეთ, 1 ჭიქა წყალი დაასხით და 1 ჭიქა შაქარი დაუმატეთ. სიროფი ზუსტად განახევრებამდე ხარშეთ და გადაწურეთ.
სიროფის გაგრილებამდე ჟელატინი 50 მლ წყალში გახსენით. სიროფი და ჟელატინი აურიეთ და მაცივარში შეინახეთ. გამაგრებული ჟელე მიქსერით მკვრივი ქაფის მიღებამდე ათქვიფეთ და ქილებში გადაიტანეთ.
ეს გემრიელი და სასარგებლო საშუალებაა. ავადმყოფობის დროს რამდენიმე კოვზი ჯემი ცხელ ჩაისთან ერთად სასწაულს ახდენს.
გირჩების შეგროვება არ დაგავიწყდეთ. ასეთი ზომის იდეალურია:
ფიჭვის გირჩებისა და სანთლებისგან შეგიძლიათ არომატული „მწვადები“ გააკეთოთ.
აუცილებლად გააკეთეთ მურაბა, რომელსაც წარმოუდგენელი გემო და არომატი აქვს. ეს რაღაც განსაკუთრებული, გაჯერებული, ფისოვანი ტკბილეულია. რა მურაბა და რა ფიჭვის თაფლი მისი სანთლებისგან – ეს უკვე ჩვეული მეთოდია, რომელსაც ბევრი იყენებს და ყიდის კიდეც.
რა თქმა უნდა, ერთ ჯერზე მთელი ქილის ჭამა არ ღირს. მას ძალიან კონცენტრირებული გემო აქვს, მაგრამ უჩვეულო ტკბილეულის სახით და საჩუქრად იდეალურია!
