პომიდორს ძალიან უყვარს, როცა მასზე სათანადოდ ზრუნავენ. ასევე სხვადასხვა დამატებით კვებაზე გიჟდება. Vivien გიამბობთ, რით გამოკვებოთ პომიდორი. მაგალითად, საფუარის სასუქზე პომიდორი კარგად რეაგირებს.
ასეთი სასუქი ზრდას და ნასკვების ფორმირებას წარმოუდგენლად აჩქარებს. ამასთან მსხვილი ყვავილები იზრდება. ბევრად უფრო მსხვილი, ვიდრე გამოკვების გარეშე. მთავარია, ზედმეტი არ მოგივიდეთ. ყველაფერში ზომიერებაა საჭირო. აღსანიშნავია, რომ სასუქის სახით საფუარის აქტიურად გამოყენება 1960-იან წლებში დაიწყეს. მაშინ ამ სასუქს ყველაზე ხშირად პომიდვრის გამოსაკვებად იყენებდნენ. სხვა ალტერნატივა უბრალოდ არ იყო, ქიმიურ სასუქებს ჯერ არ აწარმოებდნენ.
ალბათ, უკვე იცით, რომ საფუარი ელემენტების მთელ სიას შეიცავს. სასუქის მოსამზადებლად 1 ლ წყალი გააცხელეთ. არ აადუღოთ, 30 გრადუსამდე შეათბეთ. ზაფხულში, სიცხეში ასეთი ტემპერატურა კასრში დაყენებულ წყალს ისედაც ექნება. 200 გრ უმი საფუარი დაუმატეთ. დაახლოებით 12 საათით გააჩერეთ. შემდეგ 20 ლ წყალში გააზავეთ და სასუქი მზადაა.
მომზადების მეორე ვარიანტი: 10 გრ მშრალი საფუარი და 2 ს/კ შაქარი 10 ლ წყალში გახსენით. ვედრო მზეზე რამდენიმე საათით გააჩერეთ. შემდეგ ამდენივე წყალი დაუმატეთ და პომიდორი მორწყეთ.
აი, ასეთი სასუქების დახმარებით პომიდვრის დიდებულ მოსავალს მიიღებთ. არ იზარმაცოთ და მოამზადეთ.
