ოდესმე გიფიქრიათ, თუ რატომ არ მოაქვს ფულის ხეს ყველასთვის სიმდიდრე? ფულის მოსაზიდად გარკვეული მოქმედება უნდა შეასრულოთ: იმუშაოთ, ინვესტიცია ჩადოთ, რაღაც შექმნათ და ა.შ. Vivien გიზიარებთ ხალხურ ხრიკებს, თუ როგორ აიღოთ ფულის ხის კალამი სწორად და როგორ დარგოთ, რომ ფინანსებში წარმატება თქვენს მხარეს იყოს და სახლში კეთილდღეობა სუფევდეს.
მნიშვნელოვანია! კრასულას უმზეო შენობა არ უყვარს, თუმცა ზაფხულში მზის პირდაპირი სხივების ქვეშ სჯობს არ დატოვოთ. ასე ფოთლები შეიძლება დაიწვას.
5 ხალხური ცრურწმენა, სად ავიღოთ და როგორ დავრგოთ ფულის ხის კალამი:
- სიმდიდრის მოსაზიდად ფულის ხის შეძენა არ შეიძლება. კალამი ან ყვავილის ქოთანი მხოლოდ წარმატებული ადამიანის სახლიდან უნდა აიღოთ, ვისაც ფულის პრობლემები არ აწუხებს. იდეალურია, თუ „გამონაზარდის“ მოპარვას შეძლებთ და არა თხოვნას. თუ მცენარეს ითხოვთ, სანაცვლოდ მონეტა აჩუქეთ.
- თუ სახლის მფლობელი ავად არის, მცენარის კალამი არ აიღოთ – ასე სახლში ავადმყოფობას მოიზიდავთ.
- ფულის ხე სჯობს მზარდ მთვარეზე გაასესხოთ, ხოლო დარგოთ ოთხშაბათობით, მერკურის, ბიზნესის მფარველის დღეს.
- ქოთნის ძირში 1-3 ათთეთრიანი მონეტა ჩამარხეთ.
- დარგვის დროს წარმოთქვით შელოცვა: „დაე, ფულის ხე გაიზარდოს – ბევრი ფული მომიტანოს“.
ჩინეთში წარმატების და იღბლის მოსაზიდად კრასულას ხეს წითელ ლენტას ახვევენ. მცენარეს ჩრდილო–დასავლეთ მხარეს, სახლის მფლობელის მთავარ ოთახში ან მის კაბინეტში დგამენ. საბავშვო ოთახში სჯობს არ დადგათ.
ფულის ხე სპეციალურად მომზადებული წყლით მორწყეთ. ამისთვის ოქროს ბეჭედი ან ვერცხლის კოვზი აიღეთ და წყლით სავსე ქილაში ჩადეთ. 3 დღე დააყენეთ და შემდეგ ცოტ–ცოტა მორწყეთ. ითვლება, რომ ოქროს ან ვერცხლის წყალი კრასულას სიმდიდრის ენერგიით მუხტავს.
თუ სახლში სერიოზული ფინანსური პრობლემები გაქვთ, სანთლებით მარტივი რიტუალი დაგეხმარებათ. 7 მწვანე სანთელი აიღეთ, მაგიდაზე წრიულად დადეთ და აანთეთ. წრეში ფულის ხე ჩადეთ. შემდეგ 5 მონეტა აიღეთ, შელოცვა წაიკითხეთ და მიწაში ჩამარხეთ: „ვთესავ, ვთესავ, ვთესავ, სახლში სიმდიდრეს ვიზიდავ. დაე, წარმატება წამებში მოვიდეს, ბევრი ფული მომიტანოს“.
მნიშვნელოვანია! რიტუალი მარტომ და მხოლოდ კარგ ხასიათზე შეასრულეთ. თუ ავად ხართ, გამოჯანმრთელებას დაელოდეთ.
ერთი წესი მაქვს: ჩემს ფულის ხელს ნათესავების გარდა არავის ვუზიარებ, რადგან ასე ფული ოჯახში რჩება. გაითვალისწინეთ, რომ ხალხური რწმენის მიხედვით, თუ ფულის ხეს ცუდ ადამიანს მისცემთ, შემოსავლის მთავარ წყაროს დაკარგავთ. ბიოენერგეტიკოსები თვლიან, რომ ამრიგად ნეგატივი ოჯახის ფულის ეგრეგორს ხვრეტს და აქედან ფული გადის.
ითვლება, რომ თუ კატა თქვენს კრასულას ხშირად კაწრავს, საფულეში ფულს ვერ დაითვლით. თქვენი მწვანე მეგობარი შინაური ცხოველებისგან დაიცავით.
ზოგიერთი ადამიანი 2-3 მონეტას ქოთნის შიგნით არ დებს, არამედ ფანჯრის რაფაზე დებს და ზემოდან ქოთანს ადებს. არც თუ ისე მოსახერხებელი მეთოდი, რადგან ყვავილის ქოთანი მყარად არ იდება და ყვავილს დიდად არ მოეწონება.
