წონაში ეფექტურად დასაკლებად და ჯანმრთელობის გასაუმჯობესებლად დაბალანსებულ ჯანსაღ კვებასთან ერთად აუცილებელია ფიზიკური აქტივობა და ვარჯიშების შესრულება.
ფიზიკური აქტივობა ორგანიზმში ყველა პროცესს ააქტიურებს. ასევე ცხიმის წვას და კუნთების მასის ზრდას ხელს უწყობს. Vivien გთავაზობთ ერთ ვარჯიშს, რომლის რეგულარული შესრულებით წონაში დაიკლებთ და მთელ ორგანიზმს გააძლიერებთ.
რეკომენდებულია, დღეში 100 ჩაჯდომა გააკეთოთ, თუ სწრაფად დაკლება გსურთ. ასე გახდებით, ორგანიზმის ტონუსს გაზრდით, დუნდულებს, ფეხებს და მუცელს გააძლიერებთ. გაითვალისწინეთ, შედეგი ჩაჯდომის რეგულარულ შესრულებასა და სიჩქარეზეც არის დამოკიდებული.
აუცილებელია, ვარჯიში სწორად შეასრულოთ, რომ ნებისმიერი დაზიანება თავიდან აიცილოთ.
რეკომენდაციები ჩაჯდომების შესასრულებლად
ვარჯიშის სწრაფი ტემპით დაწყება და ბევრჯერ გამეორება არ ღირს. დაე, სხეული ვარჯიშის სწორად შესრულებას მიეჩვიოს, შემდეგ ინტენსივობა და ჩაჯდომების რაოდენობა თანდათან გაზარდეთ.
- პირველ რიგში, ფეხები მხრების სიგანეზე გაშალეთ. შემდეგ ფეხები ისე მოხარეთ, თითქოსდა ჰაერში სკამზე ზიხართ.
- ეფექტის გასაძლიერებლად მუცლის კუნთები დაჭიმეთ. ამ პოზაში 3 წამით გაჩერდით, შემდეგ საწყის პოზას დაუბრუნდით.
- 10-15 ჩაჯდომით დაიწყეთ. ასე ორგანიზმი ვარჯიშს შეეგუება. თანდათან ჩაჯდომების რაოდენობა გაზარდეთ.
ყოველდღიური ჩაჯდომის უპირატესობა
ვარჯიშის რეგულარული შესრულებით სხეული ცხიმს კარგავს, დუნდულების, ფეხების და მუცლის კუნთები ძლიერდება. ასე სტაბილურ შედეგს მიიღებთ.
ვარჯიშის სხვა უპირატესობა ისაა, რომ კალორიების წვასთან ერთად გულ–სისხლძარღვთა სისტემას ოპტიმალურად მუშაობაში ეხმარება.
ვარჯიშის დასრულების შემდეგ ცხიმის ინტენსიურად წვა გრძელდება. ვარჯიში განსაკუთრებით სასარგებლოა ქალებისთვის, რადგან ძვლების სიმკვრივეს ზრდის და ოსტეოპოროზის პრევენციას წარმოადგენს.
