ვინ არ ოცნებობს სხეულის იდეალურ ფორმებზე? მაგრამ ლამაზი სხეულის და მკვრივი ფორმების მიღება ძალიან რთული ამოცანაა.
თუ ჩამოწელილი კანის მოშორებას აქტიურად ცდილობთ, Vivien გთავაზობთ 5 ვარჯიშისგან შემდგარ უნიკალურ ნაკრებს, რომელიც ხელის კუნთების გასაძლიერებლად იდეალური გადაწყვეტილებაა.
ბიცეფსი და ტრიცეფსი ხელის ორი მთავარი კუნთია. ბევრი ადამიანი თვლის, რომ ბიცეფსი ყველაზე მნიშვნელოვანი კუნთია, მაგრამ როცა საქმე ტონუსს ეხება, ტრიცეფსზე უნდა კონცენტრირდეთ.
აი, 5 ვარჯიში, რომლებიც სახლის პირობებში ხელის კუნთების ტონუსის გაზრდაში დაგეხმარებათ.
1. აზიდვები
აზიდვები ყველაზე ცნობილი ვარჯიშია, თუმცა მას ყველა ვერ ასრულებს. სწორედ ამიტომ, დასაწყისში შეგიძლიათ მუხლებიდან აზიდვები გააკეთოთ და თანდათან დატვირთვა გაზარდოთ.
ზედიზედ 5 აზიდვა გააკეთეთ, შემდეგ რამდენიმე წამით დაისვენეთ და კვლავ გაიმეორეთ. სულ 3–ჯერ გაიმეორეთ. თანდათან გამეორების რაოდენობა გაზარდეთ.
2. სკამიდან აზიდვები
ამ ვარჯიშის შესასრულებლად გამოიყენეთ ნებისმიერი სკამი ან ტაბურეტი, რომელიც სახლში გაქვთ.
სკამს უკნიდან ხელებით დაეყრდენით, ნელ–ნელა ტანი დაწიეთ, იდაყვები მოხარეთ მანამ, სანამ 90 გრადუსიან კუთხეს არ შექმნით. ტანი ასწიეთ და საწყის პოზას დაუბრუნდეთ. ვარჯიში გაიმეორეთ.
დაიწყეთ 3 წრით და 10 გამეორებით, თანდათან დატვირთვა გაზარდეთ.
3. ვარჯიში ჰანტელებით
დადექით, ფეხები მხრების სიგანეზე გაშალეთ და ჰანტელები ან 2 პატარა, წყლით სავსე ბოთლი აიღეთ.
ხელები ზემოთ ასწიეთ ისე, რომ ჰანტელები თავს ზემოთ აღმოჩნდეს, შემდეგ იდაყვები მოხარეთ, ნელ–ნელა ჰანტელები უკან გადაწიეთ მანამ, სანამ 90 გრადუსიან კუთხეს არ შექმნით (ჰანტელები თქვენს ზურგს არ უნდა ეხებოდეს).
და ბოლოს, ჰანტელები ასწიეთ და საწყის პოზას დაუბრუნდით.
3 წრე 5 გამეორებით შეასრულეთ. თანდათან გამეორების რაოდენობა, ასევე ჰანტელების წონა გაზარდეთ.
4. ჰანტელის ან შტანგის აწევა
ვარჯიში შეგიძლიათ შტანგით ან რამდენიმე ჰანტელით შეასრულოთ.
დადექით, იდაყვები ოდნავ მოხარეთ, ჰანტელები აიღეთ, ხელები ქვემოთ დაუშვით, ზურგი ოდნავ წინ გადაწიეთ. ხელები იქამდე ასწიეთ, სანამ ჰანტელები თქვენს მკერდს არ შეეხება.
ნელ–ნელა ხელები დაუშვით და საწყის პოზას დაუბრუნდით. ვარჯიში გაიმეორეთ.
ვარჯიში 3 წრე, თითოეული 10 გამეორებით შეასრულეთ.
5. ჰანტელები უკან
თითოეულ ხელში ჰანტელი დაიჭირეთ და ტანი წინ გადახარეთ, ზურგი გამართული გქონდეთ. თქვენი ტანი იატაკის პარალელურად უნდა იყოს.
ფეხები მხრების სიგანეზე გაშალეთ და ოდნავ მოხარეთ. იდაყვები მოხარეთ და 90 გრადუსიანი კუთხე შექმენით. დარწმუნდით, რომ იდაყვები ზურგთან მიბჯენილია.
იდაყვები არ ამოძრაოთ და ხელები უკან მთლიანად გამართეთ. ამ პოზაში 3 წამით გაჩერდით და კვლავ იდაყვებში მოხარეთ.
ვარჯიში 3 წრე 5 გამეორებით შეასრულეთ.
ამ ვარჯიშების შესრულებაზე დღეში მხოლოდ 20 წუთს დახარჯავთ. ცდად ღირს!
ნებისმიერი მეთოდის ან ხალხური საშუალების გამოყენების წინ ექიმთან ან სპეციალისტთან კონსულტანცია გაიარეთ.
