ბევრი მეაგარაკე ყველაზე მეტად ჟოლოს ელოდება. სწორედ ამიტომ, Vivien ჟოლოს მოვლის და გამოკვების ვარიანტების შესწავლას განსაკუთრებულად მიუდგა. შედეგად, მთელი რიგი ნაკრები მივიღეთ, რომლებიც ყოველ ახალ სეზონზე უნდა შეასრულოთ, თუ ბევრი მსხვილი და მწიფე ჟოლოს მიღება გსურთ. ამ რეკომენდაციების გათვალისწინებით სეზონზე ნამდვილად ჟოლოს უხვ მოსავალს აიღებთ.
დღეს ჟოლოს სასუქებზე, უფრო ზუსტად მათ კომბინაციებზე გიამბობთ და ჟოლოს მოვლის საკითხს არ ჩავუღრმავდებით. თუმცა შეგახსენებთ, რომ არ იზარმაცოთ და მასზე სათანადოდ იზრუნოთ. ჟოლო სინათლის მოყვარე მცენარეა, ამიტომ განიავებაც სჭირდება. თუ მცენარის ყლორტები ძლიერ გაზრდილია, ერთმანეთს მკვებავ ნივთიერებებზე ბრძოლას დაუწყებენ. შედეგად, პატარა და ნაკლებად ტკბილ კენკრას მიიღებთ.
ახლა გამოკვებაზე გადავიდეთ. ჟოლო წლიდან წლამდე ერთსა და იმავე ადგილას იზრდება, ამიტომ გამოკვება სასიცოცხლოდ სჭირდება. თუ არ გამოკვებავთ, ფესვების სისტემის იმუნიტეტი გაუარესდება და დაავადებების მიმართ უფრო მგრძნობიარე გახდება.
პირველ რიგში, ნებისმიერი სასუქის მიწოდებამდე მიწა კარგად მორწყეთ. თუ მიწა 10-15 სმ სიღრმემდე სველი არ იქნება, გამოკვების ეფექტურობა შემცირდება.
მორწყვის შემდეგ აზოტის სასუქი დაუმატეთ. უპირატესობა ქიმიურად მჟავე სასუქს მიანიჭეთ. მაგალითად, ამონიუმის სულფატი, შარდოვანა, ამონიუმის ნიტრატი და ა.შ. მაგალითად, პირადად, ვირჩევ ამონიუმის ნიტრატს. ბუჩქს გარშემო ზუსტად 30 გრ მოაყარეთ.
კვების მეორე მნიშვნელოვანი ელემენტი, რომელიც თითქმის ყველას ავიწყდება, – ესაა რკინა. ის ქლოროზის თავიდან აცილებაში დაგეხმარებათ და ვირუსული დაავადებების განვითარების ალბათობის შეამცირებს. ბანალური რკინის აჯასპის ნაცვლად რკინის ქელატი მოამზადეთ. 10 ლ წყალში 1 ს/კ ლიმონის მჟავა და 1 ს/კ რკინის აჯასპი აურიეთ. მიღებული ხსნარით ჟოლო დანამეთ და ფესვები მორწყეთ. შედეგად, ყოველ სეზონზე ჟოლოს უხვ მოსავალს მიიღებთ.
