სააგარაკო სეზონი უკვე გაჩაღებულია. ყველა მეაგარაკეს საკუთარი ნაკვეთიდან ყველა შესაძლო ხილის, ბოსტნეულის და კენკრის უხვი მოსავლის აღება სურს. თითოეული მეაგარაკე მცენარეების გამოსაკვებად საკუთარ მეთოდს იყენებს. დღეს Vivien გიზიარებთ ერთ–ერთი მეაგარაკის საიდუმლო ხრიკს, რომელსაც მარწყვის გამოსაკვებად უკვე რამდენიმე წელია აქტიურად იყენებს.

„ამ სასუქის წყალობით წლიდან წლამდე მარწყვის შესანიშნავ მოსავალს ვიღებ, ნაყოფი ნამდვილი უფრო მსხვილი და ტკბილია.

რაც მთავარია, რეცეპტი ძალიან მარტივია და მისი გამოყენება მხოლოდ ერთხელ, სეზონის გახსნისას მოგიწევთ. მაგალითად, პირადად, მე ამას მაისის სადღესასწაულო დღეებში ვაკეთებ.

როგორ მოვამზადოთ სასუქი მარწყვისთვის

დაგჭირდებათ:

• 1 ს/კ მარგანცოვკა
• 1 ს/კ ბორის მჟავა
• 1 ს/კ იოდი
• 2 ს/კ ნიშადურის სპირტი
• 2,5 ლ წყალი

მომზადება:

1. ინგრედიენტები აურიეთ, 2,5 ლ წყალი დაასხით და კარგად აურიეთ.
2. რამდენიმე საათით დასაყენებლად გააჩერეთ. შემდეგ 1 ს/კ იოდი და 2 ს/კ ნიშადურის სპირტი დაუმატეთ. მიღებული ნარევი 9 ლ წყალში გააზავეთ და მარწყვი მორწყეთ.

3 რიგი მარწყვი მაქვს დარგული და მათ მოსარწყავად ერთი ვედრო სასუქი მყოფნის. 30 ბუჩქ მარწყვზე 10 ლ სასუქი გამოიყენეთ.”

აი, ასეთი შესანიშნავი სასუქი გამოვიდა. რაც მთავარია, ნამდვილად ეფექტურია. ცოტა ხანში შეამჩნევთ, რომ თქვენი ბუჩქები უფრო ჯანმრთელი გახდა და კარგად ნაყოფიერდება, ხოლო კენკრა უფრო მსხვილი და ძალიან ტკბილია. მთავარია, მორწყვის დროს რაოდენობას არ გადააჭარბოთ. ასეთი სასუქი სეზონზე მხოლოდ ერთხელ გამოიყენეთ. უფრო ხშირად გამოყენებისას მცენარეს ზიანს მიაყენებთ.