ხელის ფორმის გაუმჯობესება და ტონუსის გაზრდა, ჩამოწელილი კანის დაჭიმვა, უფრო მკვრივი და თხელი ხელის მიღება ძალიან ადვილია. გახსოვდეთ, საუკეთესო შედეგის მისაღებად ვარჯიშის და კარგი კვების თანმიმდევრულობა აუცილებელია.
ლამაზი და მკვრივი ხელების მიღება ნებისმიერ ასაკში შესაძლებელია! Vivien გთავაზობთ მარტივ ვარჯიშებს, რომელთა დახმარებით დღეში მხოლოდ 4-7 წუთიანი ვარჯიშით ხელებზე ჩამოწელილ კანს მოიშორებთ და გაამკვრივებთ. ამ 4 ვარჯიშის დახმარებით მკერდის, მხრის და ხელის კუნთებს გააქტიურებთ.
ვარჯიშის დაწყებიდან დაახლოებით 4 კვირაში ხელის ზომის, ფორმის და ტონუსის ცვლილებას შენიშნავთ.
ვარჯიში შეგიძლიათ კვირაში 2–3–ჯერ შეასრულოთ, რომ კუნთები დაასვენოთ და საუკეთესო შედეგი მიიღოთ! ორწუთიანი დინამიური გახურებით დაიწყეთ: ამისთვის ხელებით წრიული მოძრაობები შეასრულეთ.
თითოეული ვარჯიში შეასრულეთ 2 წრეზე 3-12 გამეორებით (ან თითოეულ მხარეს 10–10–ჯერ, თუ ფიზიკური მომზადება ამის საშუალებას გაძლევთ). თითოეული წრის დასრულების შემდეგ 30 წამით დაისვენეთ.
სწრაფი შედეგის მისაღებად ვარჯიშები 3 წრეზე შეასრულეთ და კვირაში 3-5-ჯერ 30 წუთიანი კარდიო ვარჯიშები დაუმატეთ.
1. ტანის აწევა ჰანტელებით
იატაკზე დაწექით, მუხლები მოხარეთ. თითოეულ ხელში მსუბუქი ჰანტელი დაიკავეთ და ზემოთ ასწიეთ. მუცლის პრესი დაჭიმეთ და თანდათან თავი, მხრები და ზედა ტანი ასწიეთ. ამავდროულად, ხელები წინ გამართეთ, მუხლებთან რკალი შექმენით. რამდენიმე წამით ამ პოზაში გაჩერდით, შემდეგ ნელ–ნელა საწყის პოზას დაუბრუნდით და თავიდან დაიწყეთ.
2. გულმკერდის პრესი
ზედა ტანის და ხელების თქვენ წინ აწევისას, ხელები იდაყვებში მოხარეთ და ჰანტელები მკერდისკენ დაწიეთ. შემდეგ ხელები გამართეთ, სანამ კვლავ დაიწყებთ. ვარჯიში რომ გაგიმარტივდეთ, ჰანტელების აწევისას ზურგი არ ასწიოთ. რამდენიმე წამიანი დასვენების შემდეგ ვარჯიში კვლავ შეასრულეთ. თქვენი ფიზიკური მომზადების მიხედვით ვარჯიში რამდენჯერმე გაიმეორეთ.
3. ტრიცეპსის ზონის გაუმჯობესება
მდგომარე პოზაში, ფეხები თეძოს სიგანეზე გაშალეთ. მარჯვენა ხელით ჰანტელი დაიჭირეთ, ხელი სწორი ხაზით გამართეთ. მარცხენა ხელით მარჯვენა ხელის იდაყვი დაიკავეთ (A), რომ არ იმოძრავოს. იდაყვი მოხარეთ, ჰანტელი თავს უკან დაწიეთ (B), შემდეგ საწყის პოზას დაუბრუნდით. თითოეული ხელით რამდენჯერმე გაიმეორეთ.
4. გვერდითა ლიფტინგი
სურათზე მოცემული პოზა მიიღეთ, ხელები მხრების ქვეშ გამართული. მარცხენა ხელში მსუბუქი წონა ან ჰანტელი დაიჭირეთ. მუცლის პრესი დაჭიმეთ, რომ ტანი გაამაგროთ. მარცხენა ხელი ერთ მხარეს, მიწის პარალელურად გაშალეთ. ამ პოზაში რამდენიმე წამით გაჩერდით, შემდეგ ნელ–ნელა საწყის პოზას დაუბრუნდით. თითოეულ ხელზე 8-10-ჯერ გაიმეორეთ. თუ გიჭირთ, მოძრაობები ჰანტელების გარეშე შეასრულეთ, თუმცა ასე კუნთები ნაკლებად დაიტვირთება.
