მოცულობითი სახე, ნაოჭები და ორმაგი ნიკაპი არა მხოლოდ სიბერის, არამედ ცუდი დგომის, შეშუპებისკენ მიდრეკილების და ცუდი კვების ნიშნებია.
ენის სუსტი კუნთებიც ორმაგი ნიკაპის გაჩენას იწვევს.
თუ დააკვირდებით, შეამჩნევთ, რომ ენა სასას და კბილებს ბუნებრივად ეხება. ასეთია ენის ბუნებრივი მდგომარეობა პირის ღრუში. თუ ენის კუნთები დასუსტებულია, ენა ნიკაპის ქვედა მხარეს ვარდება, ყბის ხაზი სუსტდება, სახის ოვალი თანდათან იცვლება და ორმაგი ნიკაპი ჩნდება.
სახის კუნთების ვარჯიში ხარისხის გასაუმჯობესებლად და შეშუპების გასაქრობად
მოძრაობა „ხვლიკის ენა“ ენის კუნთებს სწრაფად ავარჯიშებს და მოშვებულ ყბას და კანს აქრობს.
- ზემოთ აიხედეთ, თავი ოდნავ ასწიეთ, კისერი დაჭიმეთ.
- ნიკაპი თანდათან ასწიეთ. ენა ზემოთ ასწიეთ, სასას შეახეთ.
- ყელიდან ენა სწრაფად გამოიღეთ და ჭერისკენ გაჭიმეთ.
- ცხვირის წვერის ალოკვის შეგრძნება შექმენით.
ასეთი ვარჯიშით ლოყებს დაჭიმავთ და ნიკაპის ხაზს გაასწორებთ. 10-ჯერ გაიმეორეთ.
ვარჯიშის მეორე ნაწილი ძალიან მარტივია
- თვალები ფართოდ გაახილეთ, წინა კბილები ერთმანეთს 10–ჯერ დააჭირეთ.
- დახურულ პირში ენით წრე მოხაზეთ. ენით თითოეული ლოყის ყველაზე მაღალ წერტილს შეეხეთ. 5-ჯერ შეასრულეთ.
ასეთი მოძრაობით ლოყის კუნთებს გაავარჯიშებთ და ოვალს მკვეთრს გახდით.
დამამთავრებელი ვარჯიში – გამოწეული ენა
- ენა გამოიღეთ, ნიკაპთან ატრიალეთ. იდეალურია, თუ პირს ფართოდ არ გააღებთ და მხოლოდ ენის კუნთებით იმუშავებთ.
- გამოწეული ენა 10-15 წამით გააჩერეთ. რამდენჯერმე გაიმეორეთ.
ასეთი მარტივი იოგის დახმარებით სახის ოვალს გაავარჯიშებთ, ლამაზი და ახალგაზრდული ნაკვთების მიღებას ხელს შეუწყობთ.
