მენინგოკოკური ინფექცია ჰაერწვეთოვანი გზით ვრცელდება და ყველაზე ხშირად ბავშვები და ახალგაზრდები ავადდებიან. რა უნდა იცოდეს მშობელმა მენინგიტის შესახებ? ყველაზე მთავარია, სიმპტომების დამახსოვრება. არ ელოდოთ, სანამ ყველა სიმპტომი გამოვლინდება, შეიძლება სიმპტომები სულ არ ჰქონდეს. თუ ერთ–ერთი ნიშანი მაინც შეამჩნიეთ, ეს სერიოზული მიზეზია სასწრაფო დახმარების გამოსაძახებლად – ამ შემთხვევაში უბნის ექიმის მოსვლას არ დაელოდოთ.
მენინგიტის სიმპტომები
- მაღალი ტემპერატურა, მაგრამ ფეხები და ხელები ცივი რჩება.
- ჭამაზე უარის თქმა, ღებინება.
- ბავშვი ნერვიულობს, ადგილს ვერ პოულობს, არ სურს, რომ მას ჩაეხუტონ და ხელში დაიკავონ.
- გულისრევა და ღებინება, რომელიც ჭამის მიღებასთან დაკავშირებული არაა და შვებას არ გვრის.
- გახშირებული სუნთქვა.
- მკრთალი კანი, გამონაყარი წითელი ვარსკვლავების სახით.
- არადამახასიათებელი ტირილი, წუწუნი, ბოდვა.
- კეფის კუნთების მომატებული ტონუსი. ბავშვს ნიკაპის მკერდზე მიდება არ შეუძლია, რადგან კუნთები ძალიან დაძაბულია.
- კრუნჩხვები.
- ძლიერი თავის ტკივილი, კუნთების ტკივილი.
რა არის „გამონაყარი წითელი ვარსკვლავების სახით“?
ვარსკვლავური გამონაყარის კონცეფცია მშობლებს ხშირად აბნევთ, რადგან რეალურად ისეთი ვარსკვლავების დანახვას ელოდებიან, როგორიც წარმოგვიდგენია. უფრო მეტად გამონაყარს ტიპიურ მოცისფრო–მეწამული ფერის არასწორი ფორმა აქვს, 1–2 მმ ზომიდან რამდენიმე სანტიმეტრამდე.
გამონაყარის დამახასიათებელი თვისებები (განსაკუთრებით მსხვილი ზომის): ის მდებარეობს ფუძემდებლურ ქსოვილებზე, რომელიც ზომით უფრო დიდია, ვიდრე თავად გამონაყარი. ახალი ელემენტების გაჩენის სიჩქარე განსხვავებულია და პირდაპირ დაავადების სიმძიმეზეა დამოკიდებული – ძალიან სწრაფიდან დღემდე ან უფრო დიდხანს. ზოგჯერ ლაქები შეიძლება ვარდისფერი გამონაყარის მსგავსი იყოს. მშობლები ამანაც უნდა გააფრთხილოს.
გამონაყარის პირველი ელემენტები ჩვეულებრივ მუცლის ქვემოთ (ბოქვენის ქვემოთ, საზარდულის არე) და ფეხებზე (ტერფები, წვივები) ჩნდება. მაგრამ გამონაყარი შეიძლება კანის ზედაპირის ნებისმიერ მონაკვეთზე გაჩნდეს, ამასთან გამონაყარის რაოდენობა მძიმე დაავადებასთან პირდაპირ დაკავშირებული ყოველთვის არაა.
