ასაკის მატებასთან ერთად ჩვენ მიდრეკილი ვართ კატარაქტის განვითარებისკენ, რომელიც მხედველობის გაუარესებას და სიბრმავეს იწვევს. ამ უსიამოვნების თავიდან ასაცილებლად მეცნიერები გირჩევენ, რომ ვიტამინებით და კაროტინოიდებით მდიდარი ბევრი ვიტამინი მიიღოთ. ეს მკვებავი ნივთიერებები ასაკობრივი კატარაქტის თავიდან აცილებაში დაგეხმარებათ.
ადრეულმა კვლევებმა კაროტინოიდების მოხმარებასა და ხანდაზმულებში კატარაქტის განვითარების რისკის შემცირებას შორის კავშირი დააფიქსირა. თუმცა არც ერთმა არსებულმა კვლევამ ეს პროფილაქტიკისთვის მნიშვნელოვნად არ მიიჩნია.
პრობლემის გადასაჭრელად მეცნიერმა ხონგ ცზიანმა ხიან ჯიაოტონგის (XJTU) და სამხრეთ ავსტრალიის უნივერსიტეტებში მომუშავე კოლეგებთან ერთად 20 კვლევის მეტა ანალიზი ჩაატარა. 8 რანდომიზებულად გაკონტროლებული, ხოლო დანარჩენი კოჰორტული. კვლევის ფარგლებში კატარაქტის ასაკობრივ განვითარებასა და ვიტამინების და კაროტინოიდების მიღებას შორის კავშირი შეისწავლეს.
მეტა ანალიზის შედეგები კლინიკური კვების შესახებ ამერიკულ ჟურნალში გამოქვეყნდა.
საიმედო შედეგები
კოჰორტულ კვლევებში უმეტესი ვიტამინების და კაროტინოიდების მიღება ასაკობრივი კატარაქტის განვითარების მნიშვნელოვნად უფრო დაბალ რისკს უკავშირდება. A, C და E ვიტამინები თვალის ლინზების დაბინდვის რისკს ამცირებენ. იმავეს აკეთებენ კაროტინოიდებიც – ბეტა-კაროტინი, ლუტეინი და ზეაქსანტინი. დღეში ყოველ 10 მგ-ზე (მგ/დღე) ლუტეინის და ზეაქსანტინის მიღების გაზრდა რისკს 26%-ით ამცირებს.
„ჩვენ რომ კატარაქტის განვითარების 10 წლით შეფერხება შეგვეძლოს, ეს ორჯერ შეამცირებდა იმ ადამიანების რაოდენობას, რომელთაც ოპერაცია სჭირდებათ“ – ამბობენ კვლევაში.
