ტვინის პლასტიკურობის განვითარება ახალი ნეირონების შექმნაში და ასაკის მატებასთან ერთად კოგნიტური ჯანმრთელობის შენარჩუნებაში დაგეხმარებათ.
ბევრი ნეიროდეგენერაციული დაავადება, როგორიცაა ალცჰაიმერის, ჰანტინგონის და პარკისონის დაავადებები, ნეიროპლსატიკურობის დაკარგვას მოიცავს. ამასთან, ასაკთან დაკავშირებული კოგნიტური ფუნქციების დარღვევა შეიძლება ნეიროპლსატიკურობის დაკარგვას უკავშირდებოდეს. სამეცნიერო კვლევები სულ უფრო ხშირად აჩვენებენ, რომ დიეტა და ჯანსაღი ცხოვრების წესი ტვინის პლასტიკურობის განვითარებაში მნიშვნელოვან როლს ასრულებენ.
„ვივიენი“ გიამბობთ, თუ რომელი მეთოდები დაგეხმარებათ ტვინის პლასტიკურობის გაზრდაში.
მაგნიუმი მიიღეთ. მაგნიუმი ორგანიზმის მრავალ ფუნქციაში მონაწილეობს და ტვინის მუშაობის მხარდაჭერა ერთ-ერთი მათგანია. ცნობილია, რომ მაგნიუმის მოხმარების გაზრდა ნერვული საქმიანობის და კოგნიტური ფუნქციების გაუმჯობესებას იწვევს. საკმარისი მაგნიუმის მისაღებად ბევრი მუქი მწვანე ფოთლოვანი ბოსტნეული, კაკალი, თესლი, შავი შოკოლადი და ბანანი მიიღეთ.
კვერცხი შეჭამეთ. კვერცხის გული ქოლინით მდიდარია, რომელიც ნეიროტრანსმიტერის, აცეტილქოლინის წარმოებისთვის აუცილებელია, რაც თავის მხრივ ნერვული პლასტიკურობისთვის სასიცოცხლოდ მნიშვნელოვანია. კვერცხი ტვინისთვის საჭირო სხვა მკვებავი ნივთიერებებითაც მდიდარიაა, როგორიცაა სელენი და ომეგა 3 ცხიმი.
საკმარისი ძილი. ძილი არის დრო, როცა ტვინი ისვენებს და ძალებს აღიდგენს, ყველა ნერვულ კავშირს აღადგენს, რომ შემდეგ დღეს კვლავ მუშაობა დაიწყოს. ტვინის მუშაობა მდგომარეობს სწავლებაში, ახალი მოგონებების შექმნასა და ახალი უნარების განვითარებაში. საკმარისი ძილის გარეშე ნერვული კავშირები არ აღდგება და ამის ნაცვლად გადახლართული დარჩება.
თევზი მიირთვით. მრავალრიცხოვანმა კვლევებმა აჩვენა, რომ ომეგა 3 ცხიმი ტვინის ნორმალური ჯანმრთელობისთვის აუცილებელია. ის ორგანოს კოგნიტური ფუნქციების დარღვევისგან იცავს და ნერვულ პლასტიკურობას ზრდის. ომეგა 3-ის წყარო ცხიმიანი თევზია, რომელიც კვირაში 2-3-ჯერ უნდა მიიღოთ.
კურკუმა გამოიყენეთ. ეს სანელებელი ძალიან ძლიერი ანთების საწინააღმდეგო საშუალებაა. მისი კომპონენტი კურკუმინი თავისუფალი რადიკალების ზემოქმედებისგან დაგიცავთ, რომელიც ტვინის პლასტიკურობის დაკარგავს ხელს უწყობს.
ივარჯიშეთ. ფიზიკური აქტივობა ნერვების აღსადგენად ძალიან მნიშვნელოვანია. ვარჯიში თავის ტვინს დაავადებებისგან იცავს და კოგნიტური ფუნქციების შემცირებას აფერხებს.
სტრესი შეამცირეთ. სტრესი თანამედროვე ცხოვრების ნაწილია და, როგორც წესი, გარდაუვალია. თუმცა სტრესთან გამკლავების მეთოდი ტვინში ნეიროპლასტიკურობის დაკარგვას ეწინააღმდეგება. რაც უფრო მშვიდი და ხართ და ცხოვრებისეული სირთულეები გაცნობიერებული გაქვთ, ტვინი ხანდაზმულ ასაკში უსიამოვნო და სახიფათო ცვლილებებისგან უფრო დაცულია.
რუტინული ჩვევები შეცვალეთ. ჩვეული ამოცანების შესრულების დროს ტვინი ისე ძლიერად არ მუშაობს, როგორც შეუძლია. ასეთი მდგომარეობა სახიფათოა, რადგან ტვინში ახალი ნერვული გზები არ იქმნება. ტვინის „გასაფართოებლად“ და ახალი ნეირონების წარმოებისთვის მას უჩვეულო ამოცანები მიეცით – კარგად ნაცნობები გზების ნაცვლად ახალი მიმართულება აირჩიეთ, მარჯვენა ხელის ნაცვლად მარცხენა ხელი გამოიყენეთ, ახალი და უჩვეულო საქმიანობა აითვისეთ.
