მკერდის კანის სიწითლე ან აქერცვლა, ასევე პატარა ღრმულები, ან ორ სარძევე ჯირკვალს შორის განსხვავებები შეიძლება ძუძუს კიბოს ნიშნები იყოს, ამბობენ ექიმები.
ექიმები შეგახსენებენ, რომ ძუძუს კიბო ქალებს შორის ერთ-ერთი ყველაზე გავრცელებული ონკოლოგიური დაავადებაა, რომელიც შეიძლება უხილავი სიმპტომების ფონზე ხანგრძლივად ვითარდებოდეს ან ჩივილს საერთოდ არ იწვევდეს. ხშირად სიმსივნის აღმოჩენა მხოლოდ მკერდის გასინჯვით ხდება, როცა სიმკვრივე 1 სმ დიამეტრს აღწევს.
ექიმებმა დაასახელეს სიმპტომები, რომლებიც ძუძუს კიბოს გამაფრთხილებელ ნიშნებს წარმოადგენენ:
- მკერდის ან იღლიის ზონაში სიმკვრივე;
- ორი სარძევე ჯირკვლის ფორმასა და ზომას შორის განსხვავება;
- ძუძუს თავების შეკუმშვა;
- ძუძუს თავებიდან გამონადენი;
- კანის ერთ ადგილზე დაგროვება, ფორთოხლის ქერქი ან პატარა ღრმულები მკერდის კანზე;
- მკერდის კანის სიწითლე ან აქერცვლა;
- ცალმხრივი მკვეთრი ან მწველი ტკივილი;
ექსპერტები აცხადებენ, რომ ქალებმა შეიძლება ძუძუს კიბოს გამომწვევი გენები მემკვიდრეობით მიიღონ და ამ დროს დაავადება პროფილაქტიკის და ასაკის მიუხედავად შეიძლება გამოვლინდეს. ამ დაავადების ყველაზე მაღალი რისკი 65-დან 69 წელია: ძუძუს კიბო ჰორმონზე დამოკიდებულია, მისი განვითარება ქალის ორგანიზმში ესტროგენის დონის შემცირებასთან მჭიდრო კავშირშია.
