დღეს “ვივიენი” ძალიან გემრიელი და მარტივი სალათის „პატარძლის“ რეცეპტს გთავაზობთ. ყველა ინგრედიენტი ხელმისაწვდომია და პრაქტიკულად ნებისმიერ მაცივარში იპოვით. სალათი როგორც სადღესასწაულო სუფრისთვის, ასევე ჩვეულებრივ დღეებში სასადილოდ ან სავახშმოდ გამოგადგებათ. ამ კერძს ეფექტური გარეგნობა აქვს, როგორც პატარძლის კაბას ქორწილში. თუ ტრადიციული ქაშაყი შუბის ქვეშ და ოლივიე მოგბეზრდათ, მსუბუქი ქათმის სალათის მომზადება სცადეთ.
სალათი შებოლილი ქათმით და ყველით
ინგრედიენტები:
- 300 გრ შებოლილი ქათმის ხორცი
- 4-5 კვერცხი
- 1 მდნარი ყველი
- 2 კარტოფილი
- 1 საშუალო ზომის ხახვი
- 1 ს/კ 9%-იანი ძმარი
- 100 მლ წყალი
- მაიონეზი გემოვნებით
მომზადება:
1. კარტოფილი და კვერცხი მოხარშეთ.
2. ქათმის ხორცი წვრილად დაჭერით.
3. კარტოფილი მსხვილ სახეხზე, ხოლო ყველი წვრილ სახეხზე გახეხეთ. მდნარი ყველი წინასწარ მაცივარში გააჩერეთ, რომ მისი გახეხვა მარტივად შეძლოთ.
4. კვერცხი შუაზე გაჭერით და კვერცხის გული და ცილა ცალ-ცალკე გახეხეთ.
5. წვრილად დაჭრილი ხახვი დაამარინადეთ. ამისთვის ძმრის და ცხელი წყლის ნარევი 20 წუთით დაასხით.
6. სალათი ფენებად დააწყვეთ, მათ შორის მაიონეზის ბადე მოასხით. ბოსტნეულის სალათს მარილი და წიწაკა გემოვნებით მოაყარეთ.
სალათის ფენები
- ქათმის ხორცი, მაიონეზი
- დამარინადებული ხახვი
- კარტოფილი, მაიონეზი
- კვერცხის გული
- მდნარი ყველი, მაიონეზი
- კვერცხის ცილა
სალათის ზედა ფენა ისეთი თეთრი და ჰაეროვანი გამოვა, როგორც საპატარძლო კაბა, ამიტომ კერძს ასე ეძახიან. გამოყენების წინ სალათი რამდენიმე საათით მაცივარში შეინახეთ. ეს მსუბუქი ქათმის სალათი სცადეთ – არ ინანებთ!
